Curtocircuíto clausura a súa vixésimo segunda edición coa entrega de premios

O Festival Internacional de Cinema Curtocircuíto clausura a súa vixésimo segunda edición coa entrega de premios dos xurados. A gala, conducida por Nuno Pico (Grande Amore, Oh Ayatollah) pon fin a seis días de cinema, música, encontros e sesións especiais. 

A gala contou coa presenza da alcaldesa do Concello de Santiago de Compostela, Goretti Sanmartín; a responsable da área de Cultura da Deputación da Coruña, Natividade González, a concelleira de Capital Cultural, Míriam Louzao; a concelleira de Xuventude, María Rozas; o director do festival, Pela del Álamo; así como representantes da corporación municipal e das entidades colaboradoras desta edición.

Os diferentes xurados oficiais de Curtocircuíto - Festival Internacional de Cinema decidiron outorgar os seguintes premios:
 

• Premio Cosmos á mellor película: Quando a terra foge, de Frederico Lobo
• Mención especial: The man who could not remain silent, de Nebojša Slijepcevic
• Premio Cosmos á  película máis innovadora: Portales, de Elena Duque
• Premio Supernova: Pupa, de Antía Carreira
• Mención especial: Delirio Sketchs, de Bea Saiáns
• Premio Planeta GZ: Furada negra, de Berio Molina
• Premio do Xurado Novo:  Portales, de Elena Duque
• Mención especial: El cuento de una noche de verano, de María Herrera
• Premio do Público (patrocinado por GADIS):  El cuento de una noche de verano, de María Herrera

Laia Abril, Brais Revaldería, Guillermo Galoe, Oliver Laxe e Kandgding Ray foron os protagonistas das sesión especiais do festival. Martin Messier, Oliver Laxe, Kangding Ray, ou Amelie Duchow, ademais de talentos galegos como Carme López e Irene Sáenz conformaron o cartel de espectáculos audiovisuais como parte da corrente do festival de pontes e xerar diálogos entre son e cinema. 

A praza da Quintana, Praterías, o Teatro Principal, o Auditorio de Galicia, NUMAX ou espazos naturais como o Xardín das Pedras que Falan foron sede dunha programación que combinou cinema internacional, creación galega, espectáculos audiovisuais en directo e encontros co público. O cambio de modelo do festival e a aposta por sacar a programación ao espazo público da cidade como escenario creativo e devolver o cinema ás prazas da cidade foi recibido por unha ampla acollida do público, que encheu as sesións da programación. Sesións como o live av de Oliver Laxe, Kangding Ray ft. Adrián Canoura deixaron a súa pegada deixaron a súa pegada, cun espectáculo irrepetible que converteu a cidade nun escenario sensorial único e que será lembrado como un dos momentos máis emblemáticos desta edición de