Zona "C"

Inaugurada en marzo de 2007 como espazo para a arte máis emerxente, a Zona "C" consolídase como aposta da Concellaría de Acción Cultural para promover a creación de vangarda. En 2015 a concellaría pon en marcha a primeira Convocatoria de apoio á creación en artes visuais nas modalidades de Proxectos de intervención artística, Proxectos de comisariado e  Comunicación gráfica. O resultado do proceso de selección, a cargo dun comité de expertos, conforma a programación do espazo que pretende ser contedor vivo para unha cidade que quere ser foco creador e capital cultural permanente. A Zona "C", como lugar de intercambio de ideas acolle encontros que afondan en novos modos de mediación cultural como as experiencias que xa teñen narrado Joana Hurtado do Can Felipa, David Rodríguez AKA Tina Paterson, ou a editora independente portuguesa Bárbara Bulhosa ao que se irán sumando novos nomes.

Desde 2007 teñen intervido o espazo: Juan Carlos Bracho, Suso Fandiño, Mauro Trastoy, Santi Jiménez, Marga Crespo, Manuel Eirís, Rita Rodríguez, Amaya González, Sara Fuentes, Montse Rego, Jesús Madriñán, Esther Ruiz de Pablos, Antía Moure, Nuria Ruibal, Colectivo Batbirulau, Carolina Caluori, Iván Prieto, Enrique Lista, Colectivo As Churras, Jesús de la Iglesia, Christian García Bello, Colectivo Ergosfera, Carolina Cruz Guimarey, María Castellanos ou Diego Vites.

En 2016 ponse en marcha a solicitude de propostas de creación en artes visuais onde os proxectos presentados son seleccionados por un comité de expertos en arte e cultura. Son resultado desta convocatoria os proxectos de intervención artística de Neves Seara, Jacobo Bugarín, Carlos Alba e Marta Bran. Sendo proxectos de comisariado os de María Marco con obra do artista Joan Morera Arbones e da comisaria Desirée Vidal Juncal con obra dos colectivos Oficina Arará (PT), Club del dibujo (AR) e O botafumeiro (GZ). Catarina Dantas realiza a comuncación gráfica.

A Zona "C" está en San Domingos de Bonaval, nº 1. (Coordenadas de localización: GPS: 42º 52' 55.62'' N / 8º 32' 20.74'' W)