A Real Filharmonía de Galicia fai 30 anos,e para celebralo concibe unha programación que aposta polo talento galego, a creación contemporánea e pola proxección da orquestra cara ao futuro.
Baixo o título 'Historias', a temporada 2025-2026 da orquestra artéllase arredo de diversos piares principais que combinan memoria, talento galego, novas creacións, accións pedagóxicas e compromiso territorial. Ao longo dos próximos meses renderá homenaxe aos nomes que contribuíron ao prestixio e evolución artística da orquestra e tamén porá en valor as figuras que están construíndo a historia musical de hoxe.
O resultado desta ponte entre o pasado e o futuro faise música coa recuperación de obras como o Amadís de Gaula de Johann Christian Bach, interpretada no concerto inaugural da Real Filharmonía de Galicia, e tamén no proxecto Cometas, unha encarga a compositoras e compositores noveis que busca dar espazo á creación actual.
Esta temporada 'Historias' centra o seu obxectivo en seguir fortalecendo a orquestra cun impulso renovador a través do seu proxecto pedagóxico, territorial e de creación contemporánea. Así, a colaboración coa Escola de Altos Estudos Musicais, os obradoiros de composición e dirección, os concertos didácticos e a aposta polos novos públicos e linguaxes reafirman o compromiso da RFG coa música de hoxe e coas xeracións futuras.
ABONOS
A renovación dos pases de temporada realizarase os días 20, 23, 24, 25, 26 e 27 de xuño de 202 no teléfono do Auditorio 981 571026, de 10.00 h a 14.00 h. Os novos abonos poderán tramitarse os días poderán solicitarse os días 27 e 30 de xuño así como o 15, 16, 17, 18 e 19 de setembro no despacho de billetes do Auditorio de 11h a 14h.
Unha das novidades da temporada pasa pola introdución do abono para os tres concertos (EN)FOCO, que reduce o prezo das entradas individuais tanto se se opta pola entrada xeral como se se escolle aquela con petisco e bebida na Lasso.
Ademais, as modalidades de abonos flexibles, que tiveron tan boa acollida na última temporada, seguen dispoñibles para aquelas persoas espectadoras que prefiran escoller entre 5 ou 10 concertos entre todos os programados.
As entradas individuais sairán á venda a partir do día 25 de setembro e poderán ser adquiridas (cos descontos habituais para persoas desempregadas, perceptoras de rendas sociais, xubiladas, maiores de 65 anos, estudantes, menores de 25 anos e membros de familias monoparentais ou numerosas) en compostelacultura.gal, no despacho de billetes da Zona C · Punto de Información Cultural (aberto de martes a sábado, de 11 a 14 horas e de 16 a 19 horas) e no despacho de billetes do Auditorio de Galicia (aberto o día de cada concerto dende unha hora antes do seu inicio).
NOVOS ABONOS
Os días 27 e 30 de xuño e 15, 16, 17, 18 e 19 de setembro de 2025:
→No teléfono do Auditorio 981 571 026 e despacho de billetes do Auditorio de Galicia de 10:00 h a 14:00 h.
ABONOS COLECTIVOS
Os días 15, 16, 17, 18 e 19 de setembro de 2025, no despacho de billetes do Auditorio de Galicia de 10:00 h a 14:00 h.
→Haberá 50 abonos á venda a disposición de asociación culturais e veciñais, escolas de música e centros educativos públicos. Para a compra destes abonos deberá acreditarse documentalmente a pertenza aos colectivos especificados.
→Cada entidade poderá dispoñer dun único abono.
→Cada abono contén catro entradas por concerto.
→Deberá adquirirse o abono para toda a temporada.
→Serán asignadas filas e butacas unha vez rematada a renovación de abonos e compra de novos abonos.
→En caso de ter máis solicitudes que abonos colectivos dispoñibles, serán adxudicados por sorteo.
MODALIDADE DE ABONOS
ABONO A: outubro 2025 – maio 202623 Concertos: 372,00 €25% desconto: 279,00 €Abono especial: 186,00 €
ABONO B: outubro 2025 - xaneiro 2026 13 Concertos: 207,00 €15% desconto: 175,95 €Abono especial: 103,50 €
ABONO C: febreiro - maio 202610 Concertos: 165,00 €15% desconto: 140,25 €Abono especial: 82,50 €
(EN)FOCO Concerto: 15,00 €Concerto con petisco + bebida: 21,00 €ABONO (3 concertos): 40,00 €ABONO (3 concertos con petisco + bebida): 58,00 €
ABONO FLEXIBLE 5 (5 concertos a elixir): 62,50€
ABONO FLEXIBLE 10 (10 concertos a elixir): 125,00 €
(1): Abono Especial (para estudantes e persoas xubiladas co 50% de desconto)
(2): Abono Colectivo: 600,00 €
VENDA DE ENTRADAS
Venda anticipada, a partir do día 25 de setembro:
→Preferentemente deberase mercar as entradas en: compostelacultura.gal
→Na Zona C. Punto de información cultural (Preguntoiro, 1. Praza de Cervantes). De martes a sábado de 11:00 h a 14:00 h e de 16:00 h a 19:00 h.
→No despacho de billetes do Auditorio de Galicia ou no teléfono 981 571 026, só os días do concerto de 19:30 h a 20:30 h.
MÉTODO DE PAGO
Mediante pago por transferencia bancaria ou tarxeta Visa ou Mastercard.
DESCONTOS E PREZOS ESPECIAIS
→As entradas soltas para cada concerto terán os descontos habituais do 50% para persoas desempregadas, perceptoras de rendas sociais, xubiladas, maiores de 65 anos, estudantes, menores de 25 anos e membros de familias monoparentais ou numerosas. Descontos non acumulables. Só se pode aplicar un desconto por entrada.
→A entrada para os Concertos familiares da RFG terá un prezo de 3 euros.
