[ MULLERES EN CADRIÑOS | ACTIVIDADES PARALELAS #PUNCTUM]
No terceiro andar da Zona C, a recoñecida ilustradora Julia Lago impartirá o obradoiro 'BDD, Banda Deseñada Diver' para que o público novo poida practicar con ela a combinación de debuxo e texto que permite narrar unha historia e ese de trazo desenfadado, fresco e con frecuencia colorista que caracteriza os traballos da ilustradora.
O mellor da Banda Deseñada é que só hai que facela para saber facela. Imos descubrir como todas podemos ser artistas e narradoras e que non son necesarios coñecementos previos para gozar dunha tarde fanzineira onde contar as mellores ou peores historias da man da artista.
Julia está a participar na mostra #Punctum, beliscos de BD na arte contemporánea galega, que permanece aberta no Auditorio de Galicia até o 16 de xuño.
INFORMACIÓN
- Nº máximo de participantes: 25
- Idade recomendada de 9 a 12 anos
- Non son necesarios coñecementos previos
- Material necesario: Podedes traer os vosos lapiceiros de cores, ceras ou rotus favoritos
- Previa reserva de praza –até ás 14.00 h do 19 de abril– no mail obradoiros.punctum@gmail.com
Julia Lago (A Coruña, 1994) traballa como ilustradora especializada en proxectos de carácter editorial e publicitario. Compaxina a actividade como ilustradora freelance coa xestión da galería Grelería onde desenvolve accións vinculadas co mundo artístico independente. Entre os recoñecementos que ten recibido está o Premio Castelao de Banda Deseñada e as Ayudas Injuve para la Creación Joven. A súa obra foi exposta no Museo Reina Sofía, na sala Salvador de Madariaga da Coruña, na Casa Museo Picasso ou na Sala Manuel Moldes de Pontevedra.
#Punctum, beliscos de BD na arte contemporánea galega, permanece aberta no Auditorio de Galicia até o 16 de xuño
