Dentro das actividades de mediación programadas arredor da mostra Facémolo co corpo. A performance é cousa de mulleres, o sábado 6 de setembro ás 12.00 horas terá lugar unha visita guiada á exposición a cargo do equipo curadorial e de artistas participantes na que tratarán da performance como proceso artístico aberto e en continuo fluxo, da súa cualidade efémera, e das condicionantes particulares da súa creación.
Comisariada por Mónica Maneiro Jurjo e Iñaki Martínez Antelo, a A exposición reúne obras de 22 artistas que, dende diferentes xeracións e contextos, construíron un relato sólido da performance en Galicia e España. Entre elas atópanse figuras internacionais como Marina Abramović (Belgrado), Ana Mendieta (A Habana) ou Anna Maria Maiolino (Scalea), pioneiras da contorna estatal como Esther Ferrer (Donosti) e La Ribot (Madrid), artistas consolidadas como Pilar Albarracín (Aracena), Dora García (Valladolid), Teresa Margolles (Culiacán), Maider López (Donosti), Itziar Okariz (Donosti) ou Olga Mesa (Avilés), xunto a unha nova xeración de creadoras como Teresa Búa (Muxía), Ana Gesto (Santiago), Amaya González Reyes (Sanxenxo), María Marticorena (A Coruña), Loreto Martínez Troncoso (Vigo), Mery Pais (Santiago), Alejandra Pombo Su (Santiago), Neves Seara (Ourense), Verónica Vicente (Tomiño), Rosana Antolí (Alcoi) e Verónica Ruth Frías (Córdoba), que continúan expandindo os límites desta linguaxe artística.
O percorrido permitirá coñecer de primeira man os proxectos incluídos na mostra e contestar as preguntas das persoas asistentes nun paseo participativo que afonda nas peculiaridades destas formas de arte viva.
Maís información da exposición en FACÉMOLO CO CORPO
