CINEUROPA
SECCIÓN OFICIAL A CONCURSO. CINEASTAS DO PRESENTE
STAATSSCHUTZ / PROSECUTION (2026)
Faraz Shariat
Alemaña / 113 min / Alemán, coreano
Ficha artística:
Chen Emilie Yan, Julia Jentsch, Alev Irmak, Kotbong Yang, Arnd Klawitter, Sebastian Urzendowsky, Petra Hartung, Kathrin Angerer, Mercy Dorcas Otieno, Benjamin Radjaipour
Ficha técnica:
Guión: Claudia Schaefer, Jee-Un Kim e Sun-Ju Choi
Fotografía: Lotta Kilian
Edición: Friederike Hohmuth
Produción: Paulina Lorenz, Jorgo Narjes e Faraz Shariat
Sinopse:
A fiscal Seyo Kim decide combater a violencia da extrema dereita no leste de Alemaña. Cando ela mesma sofre un ataque racista do que consegue sobrevivir, comeza a investigar pola súa conta, desobedecendo as ordes dos seus superiores e poñendo en risco a súa vida. Ao levar un dos agresores ante a xustiza, trata de demostrar que forma parte dunha rede máis ampla de extrema dereita. A súa investigación lévaa a revisar arquivos e reabrir casos pechados, ata descubrir os vínculos entre varias testemuñas, a rede extremista e o ataque que sufriu.
Faraz Shariat é un director, guionista e produtor alemán de orixe iraniana. Cofundou en 2015 o colectivo e produtora Jünglinge Film, centrado en historias feministas, antirracistas e queer. A súa primeira longametraxe, Futur drei (2020), recibiu, entre outros galardóns, o premio Teddy á mellor película queer na Berlinale. Traballou tamén na dirección de series de televisión e na produción de proxectos como Schwarze früchte (2024). Prosecution é a súa segunda longametraxe.
PREMIO DO PÚBLICO E PREMIO CICAE DA SECCIÓN PANORAMA NA BERLINALE 2026
