FIUME O MORTE!

DATOS BÁSICOS

CINEUROPA

DOCS CINEUROPA

FIUME O MORTE! (2025)

Igor Bezinović

Croacia, Italia, Eslovenia / 112 min / Croata, italiano, fiumano

Participan:

Izet Medošević, Ćenan Beljulji, Albano Vučetić, Tihomir Buterin, Andrea Marsanich, Massimo Ronzani e Milovan Večerina Cico

Ficha técnica:

Guión: Igor Bezinović

Fotografía: Gregor Božič

Edición: Hrvoslava Brkušić

Produción: Vanja Jambrović e Tibor Keser

Sinopse:

En 1919, uns trescentos soldados liderados polo poeta italiano Gabriele D’Annunzio, afervoado partidario da guerra, entraron na cidade portuaria de Fiume —hoxe Rijeka, en Croacia— coa intención de anexionala a Italia. Durante os dezaseis meses seguintes, nun dos episodios de ocupación militar máis insólitos da historia, o equipo oficial de fotografía de D’Annunzio captou máis de 10.000 imaxes. Un século despois, o cineasta Igor Bezinović, natural de Rijeka, reúne uns trescentos habitantes da cidade para reconstruír aqueles feitos e explorar as súas implicacións actuais. Entre a historia e a lenda, esta experiencia colectiva cuestiona os relatos nacionalistas e os mecanismos de manipulación e propaganda política.

Igor Bezinović é un cineasta croata. Entre os seus filmes destacan The blockade (2012), premiado co galardón Oktavijan ao mellor documental croata; e A brief excursion (2017), gañadora da Gran Area de Ouro á mellor longametraxe croata. A súa obra presentouse en festivais internacionais como Rotterdam, DOK Leipzig, Ji.hlava e CPH:DOX, entre outros.

 

PREMIO TIGRE E PREMIO FIPRESCI NO FESTIVAL DE ROTTERDAM 2025

MELLOR DOCUMENTAL EUROPEO NOS PREMIOS DO CINEMA EUROPEO 2026

 

Duración: 
112 MIN
Acceso: 

Bono 10 películas: 30 euros

Catálogo: 2 euros

VENDA DE ENTRADAS E RETIRADA DE CONVITES

  • Para as proxeccións de todas as salas:
    • compostelacultura.gal
    • ZONA C. Punto de Información Cultural (Praza de Cervantes): de martes a sábado, de 11.00 a 14.00 e de 16.00 a 19.00 h.
    • TEATRO PRINCIPAL: de 15.00 h ata a hora de inicio do último filme no Teatro Principal ou no Salón Teatro.
  • En cada sala, para as proxeccións dese espazo:
    • NUMAX: de luns a sábado (excepto martes) de 10.30 a 14.00 h e de 16.00 a 20.30 h e os martes só de 16.00 a 20.30 h. Os domingos e calquera outro día fóra deste horario, abrirase o despacho de billetes 10 minutos antes do inicio da sesión. Neste despacho de billetes só se poderá pagar en efectivo
    • AUDITORIO DE GALICIA: dende media hora antes do inicio de cada sesión

VENDA DE BONOS

  • compostelacultura.gal
  • Zona C · Punto de Información Cultural
  • Despacho de billetes do Teatro Principal

Para a adquisición de entradas e bonos recomendamos o uso preferente da páxina web compostelacultura.gal


ESTE PROGRAMA ESTÁ SOMETIDO A POSIBLES CAMBIOS. PRÉGASE CONSULTAR A CARTELEIRA DIARIA

Info práctica: 
Domingo, 8 Novembro, 2026
22:30
Teatro Principal
Venres, 13 Novembro, 2026
21:30
Salón Teatro
MULTIMEDIA