XOSÉ VELO. O LIBERTADOR IBÉRICO + COMPOSTELA RUPESTRE

DATOS BÁSICOS

CINEUROPA

PANORAMA AUDIOVISUAL GALEGO / FILMIN

XOSÉ VELO. O LIBERTADOR IBÉRICO (2022)

Aser Álvarez González

Galicia / 45 min / Documental / Galego

Ficha técnica:

Guión e dirección artística: Aser Álvarez González

Fotografía: Laura Yáñez Bastos

Edición: Aldán Delgado Fernández

Animación: Aldán Delgado Fernández, Xosé Vizoso

Produción: Arraianos Producións

Sinopse:

Este proxecto documental lévanos a coñecer a Xosé Velo, un notábel político e escritor nacido en Celanova en 1916. Membro do primeiro Consello Nacional da Federación de Mocedades Galeguistas, chegou a ser elixido secretario xeral desta organización en 1935. Despois da guerra trasladouse a Vigo, onde o detiveron pola súa actividade antifranquista. En 1948 fuxiu a Portugal e foi detido pola PIDE, aínda que grazas á mediación do Unitarian Service e ao apoio do goberno de Rómulo Gallegos, puido trasladarse a Venezuela. En 1956 foi nomeado presidente do Lar Gallego de Caracas e, como delegado desta institución, participou activamente no Primeiro Congreso da Emigración Galega celebrado en Bos Aires. En 1959 fundou o DRIL (Directorio Revolucionario Ibérico de Liberación) cun grupo de exiliados españois e portugueses. A principios de 1961 dirixiu o secuestro do transatlántico Santa María, acción que pretendía denunciar internacionalmente as dúas ditaduras ibéricas. O goberno brasileiro acolleu aos secuestradores como refuxiados políticos, e Velo e o seu fillo Vítor, que tamén participara no secuestro, establecéronse en São Paulo. Nesta cidade fundou unha libraría (Nós) e logo unha editorial (Galiza Ceibe) pouco antes de morrer dun cancro de pulmón aos 55 anos de idade.

COMPOSTELA RUPESTRE (2021)

Andrea Barrán, Aser Álvarez

Galicia / 5 min / Documental / Galego

Ficha técnica:

Guión: Andrea Barrán, Aser Álvarez

Fotografía: Jacobo Real, Álvaro Paz

Música: Nico Casal

Produción: Arraianos Producións

Sinopse:

As rochas falan. O legado de petróglifos presente en Santiago de Compostela permítenos coñecer mellor as primeiras poboacións que habitaron esta terra.

Aser Álvarez (Celanova). Licenciado en políticas e xornalismo, mestrado de El País e especialista universitario en Comunicación audiovisual, ten traballado en prensa, radio e televisión. Tamén comisariou proxectos expositivos multimedia e editoriais e realizou contidos para televisión e publicidade, cos que obtivo o Mestre Mateo ao Mellor Documental, os premios de xornalismo Xosé Aurelio Carracedo, Xohán Carballeira e o Premio ao Mellor Informativo no I Open Radio do CCCB.

Andrea Barrán (O Saviñao). Desenvolveu a súa actividade profesional os últimos anos entre Galicia e Madrid. Licenciada en Ciencias da Información, dirixiu numerosas campañas publicitarias para marcas con Stage Entertaiment, Eurostars Hotels, Warner ou BMW e tamén documentais con Arraianos Producións e Aser Álvarez.

Duración: 
75 MIN
Entradas: 

DE BALDE PREVIA RETIRADA DE CONVITE

PARA TODAS AS PROXECCIÓNS:

  • compostelacultura.gal
  • Zona C (Praza de Cervantes): de martes a sábado, de 11.00 a 14.00 e de 16.00 a 19.00 h. Tel.: 981 542 462
  • Teatro Principal: de 16 h ata a hora de inicio do último filme do Teatro Principal ou do Salón Teatro. (Se hai un filme ás 16.00 h ou antes, o despacho de billetes abre media hora antes de que comece). Tel.: 981 542 349

EN CADA SALA, TAMÉN PARA AS PROXECCIÓNS DE ESE ESPAZO:

  • NUMAX: de luns a sábado (excepto martes) de 10.30 a 14.00 h e de 16.00 a 20.30 h e os martes só de 16.00 a 20.30 h. Os domingo e calquera outro día fóra deste horario, abriríase o despacho de billetes 10 minutos antes do inicio da sesión.
  • MULTICINES COMPOSTELA: desde as 17.00 h ata a hora de inicio do último filme. (Se hai un filme ás 17.00 h ou antes, o despacho de billetes abre media hora antes de que comece)
  • AUDITORIO DE GALICIA: desde media hora antes do inicio de cada sesión.

PRÉGASE USO PREFERENTE DA WEB PARA A ADQUISICIÓN DE ENTRADAS

Funcións: 
Mércores, 9 Novembro, 2022
19:00
NUMAX
MULTIMEDIA