CINEUROPA
LATIDOAMERICANO
UN MUNDO RECOBRADO (2024)
Laura Bondarevsky
Arxentina, Uruguai / 74 min / Documental / Castelán
Ficha artística:
Verónica Gérez, Carla Moscatelli, Victoria Martínez, Laura Paredes, Marzia Migliora
Ficha técnica:
Guión: Laura Bondarevsky, Luciano Bertone
Fotografía: Christian Colace
Edición: Bruno Curl
Produción: Javier Díaz, Soledad San Julián, Micaela Solé
Sinopse:
A directora Laura Bondarevsky reconstrúe en Un mundo recobrado a historia de Yenia Dumnova, a súa avoa adoptiva, unha muller admirada polo seu compromiso, sensibilidade e integridade ética. A través de testemuños, recreacións ficcionais e os espazos que marcaron a súa vida, a cineasta traza un mapa emocional que é tamén unha indagación persoal sobre o exilio, o tempo, a familia, o arte e a morte. O filme convértese nun ensaio visual sobre a memoria e a creación: un exercicio de reconstrución e invención que busca recuperar un mundo desaparecido para comprender o presente. Entre a investigación e a poesía, Bondarevsky filma unha homenaxe íntima a unha muller fascinante e rebelde.
Laura Bondarevsky é unha directora e guionista arxentina cunha ampla traxectoria no ámbito audiovisual. Colaborou con cineastas como Juan José Campanella, Fernando Meirelles, Fernando Trueba e Bruno Stagnaro. Dirixiu a serie de ficción Circulado e participou como coordinadora e guionista na serie Música en América Latina. Entre as súas obras figuran Panzas, Chevocachai e Cosecha. Recentemente foi galardoada co Premio Ópera Prima de Ficción do INCAA polo seu proxecto Río muerto, a súa primeira longametraxe de ficción, prevista para rodarse entre 2026 e 2027. Actualmente traballa na dirección da serie Quema coches, escrita por Luciano Bertone e producida por Navajo Films.
