TRALOVENTO

DATOS BÁSICOS

CINEUROPA

PANORAMA AUDIOVISUAL GALEGO

TRALOVENTO (2026)

Eloy Domínguez Serén

España, Grecia, Portugal / 105 min / Galego

Ficha artística:

Melania Cruz, Xosé Barato, Gonzalo Uriarte, Mónica García

Ficha técnica:

Guión: Eloy Domínguez Serén e Meritxell Colell

Fotografía: Sara Gallego

Edición: Raúl Barreras

Produción: Felipe Lage Coro, Vicky Miha, Luís Costa e André Guiomar

Sinopse:

Tras a morte do seu pai nun incendio que destrúe a casa familiar, Ana regresa á súa aldea natal coa intención de volver a Vigo despois do funeral. Porén, decide quedar e implicarse no conflito que divide a veciñanza ante o proxecto dunha empresa eléctrica para instalar un parque eólico que afectaría as terras da súa familia. Ao asumir o control do taller mecánico familiar e reconstruír a casa, Ana enfróntase a un pasado doloroso e cuestiona o seu sentido de pertenza, mentres descobre unha capacidade de loita e un espírito colectivo que descoñecía.

Eloy Domínguez Serén comezou a súa carreira como crítico de cinema e cofundou e codirixiu a revista A Cuarta Parede. Trasladouse a Estocolmo en 2011, onde realizou varias curtametraxes antes de dirixir No cow on the ice (2015), estreada en Visions du Réel. A súa seguinte longametraxe, Hamada (2018), estreouse no IDFA e recibiu premios en festivais como Cinéma du Réel, o Festival de Xixón e Porto/Post/Doc. Máis recentemente, dirixiu as curtametraxes Os corpos (2020), estreada no IDFA, e Rompente (2022), premiada como mellor curtametraxe de ficción no Festival de Málaga e no Festival de Cans.

 

ESTREA NO FESTIVAL DE MORELIA (MÉXICO) 2026

SECCIÓN OFICIAL A COMPETICIÓN DO FESTIVAL DE SEVILLA 2026


Con presentación e coloquio

Duración: 
105 MIN
Acceso: 

Bono 10 películas: 30 euros

Catálogo: 2 euros

VENDA DE ENTRADAS E RETIRADA DE CONVITES

  • Para as proxeccións de todas as salas:
    • compostelacultura.gal
    • ZONA C. Punto de Información Cultural (Praza de Cervantes): de martes a sábado, de 11.00 a 14.00 e de 16.00 a 19.00 h.
    • TEATRO PRINCIPAL: de 15.00 h ata a hora de inicio do último filme no Teatro Principal ou no Salón Teatro.
  • En cada sala, para as proxeccións dese espazo:
    • NUMAX: de luns a sábado (excepto martes) de 10.30 a 14.00 h e de 16.00 a 20.30 h e os martes só de 16.00 a 20.30 h. Os domingos e calquera outro día fóra deste horario, abrirase o despacho de billetes 10 minutos antes do inicio da sesión. Neste despacho de billetes só se poderá pagar en efectivo
    • AUDITORIO DE GALICIA: dende media hora antes do inicio de cada sesión

VENDA DE BONOS

  • compostelacultura.gal
  • Zona C · Punto de Información Cultural
  • Despacho de billetes do Teatro Principal

Para a adquisición de entradas e bonos recomendamos o uso preferente da páxina web compostelacultura.gal


ESTE PROGRAMA ESTÁ SOMETIDO A POSIBLES CAMBIOS. PRÉGASE CONSULTAR A CARTELEIRA DIARIA

Info práctica: 
Mércores, 18 Novembro, 2026
19:30
Teatro Principal