CINEUROPA · SECCIÓN OFICIAL EUROPEA
ROTER HIMMEL / AFIRE (O CEO VERMELLO) (2023)
Christian Petzold
Alemaña / 103 min / Ficción / Alemán
Ficha artística:
Thomas Schubert, Paula Beer, Enno Trebs
Ficha técnica:
Guión: Christian Petzold
Fotografía: Hans Fromm
Edición: Bettina Böhler
Produción: Anton Kaiser, Florian Koerner von Gustorf, Simon Ofenloch, Claudia Tronnier, Caroline Von Senden, Michael Weber
Sinopse:
Un verán caloroso e seco, coma tantos nos últimos anos. Unha pequena casa de vacacións a carón do mar Báltico. Xúntanse catro mozos, vellos e novos amigos. Un ceo vermello álzase sobre eles. Paseniño e imperceptiblemente as lapas arrodéanos. Dubidan, teñen medo —mais non polos incendios—, é o amor o que asusta. Felicidade, luxuria e liberación, pero tamén celos, resentimentos e tensións. Unha película suspendida entre o simbolismo e o realismo, ben divertida e asemade fondamente tráxica.
Christian Petzold (Hilden, Alemaña, 1960). É un dos compoñentes máis representativos do movemento chamado Escola de Berlín, xunto a cineastas como Angela Schanelec e Ulrich Köhl. Estudou cinema na Academia Alemá de Cinema e Televisión. Revela internacionalmente o seu talento con Die innere Sicherheit (2000). Dende aquela dirixe títulos como Yella (2006), Jerichow (2008), Barbara (2012), Phoenix (2014), Transit (2018) ou Undine (2020), premiados en multitude de festivais.
Gran Premio na Berlinale 2023
Candidata a mellor filme no Festival de San Sebastián
