ABONOS FLEXIBLES PARA A TEMPORADA 'HISTORIAS'
A Real Filharmonía de Galicia mantén na tempada 2025-2026 a modalidade de abonos flexibles que ofrecen o público a oportunidade de tecer un percorrido de seu pola programación e adquirir as entradas a prezo reducido.
Así, as persoas portadoras dos novos abonos FLEXIBLE 10 e FLEXIBLE 5 poderán acceder, respectivamente, a 10 ou 5 concertos da súa escolla entre todos os programados na tempada, sempre e cando aínda queden localidades dispoñibles. Estes abonos venderanse a partir do día 4 de setembro
Baixo o título 'Historias', a temporada 2025-2026 da orquestra artéllase arredo de diversos piares principais que combinan memoria, talento galego, novas creacións, accións pedagóxicas e compromiso territorial. Ao longo dos próximos meses renderá homenaxe aos nomes que contribuíron ao prestixio e evolución artística da orquestra e tamén porá en valor as figuras que están construíndo a historia musical de hoxe.
O resultado desta ponte entre o pasado e o futuro faise música coa recuperación de obras como o Amadís de Gaula de Johann Christian Bach, interpretada no concerto inaugural da Real Filharmonía de Galicia, e tamén no proxecto Cometas, unha encarga a compositoras e compositores noveis que busca dar espazo á creación actual.
Esta temporada 'Historias' centra o seu obxectivo en seguir fortalecendo a orquestra cun impulso renovador a través do seu proxecto pedagóxico, territorial e de creación contemporánea. Así, a colaboración coa Escola de Altos Estudos Musicais, os obradoiros de composición e dirección, os concertos didácticos e a aposta polos novos públicos e linguaxes reafirman o compromiso da RFG coa música de hoxe e coas xeracións futuras.
MERCA O TEU ABONO
ABONOS (EN)FOCO
Nesta temporada, ofrécense tamén prezos especiais para aquelas persoas que desexen asistir aos concertos (EN)FOCO.
Abono (EN)FOCO – a persoa titular deste abono poderá asistir ao ciclo (EN)FOCO ao completo. Son tres concertos comentados, sempre aos venres, por 40€
Abono (EN)FOCO con petisco e bebida – ademais dos tres concertos comentados, esta opción contempla a degustación dun petisco e unha bebida na cafetería do Auditorio por 58€
Á venda dende o 4 de setembro na Zona C · Punto de información Cultural (praza de Cervantes, horario de martes a sábado, de 11 a 14 horas e de 16 a 19 horas)
