RECITAL- NIEVES NEIRA ROCA CON OLALLA CAAMAÑO & CRIS VILARIÑO

DATOS BÁSICOS

“Na distancia medran versos” é a proposta de poesía do Festival C para o mes de agosto, que terá lugar no Paseo da Ferradura da Alameda. O segundo dos recitais chega da man de Nieves Neira acompañada de Olalla Caamaño e Cris Vilariño baixo o título de "Trenza".

No dorso do que o corpo pode reter e necesita, o abrollar dun lugar amándose. E non será así, perderse? Acabar cedendo á voz coma se alguén aparecese? Ten que ser posible o lugar, di o poema, ten que seguir sendo posible, aínda, a pesar de, apunta, lanza. Así, tres mulleres trenzadas no borde do salto do corpo aínda por facer anuncian o milagre, cantiga, Balteira, o encontro tras do cal non hai ninguén.

Nieves Neira (textos), Olalla Caamaño (voz) e Cris Vilariño (danza) trenzarán un encontro á volta da poesía de Nieves Neira, unha experiencia de resonancia, tradución, trafego, eco e contaxio da palabra ao corpo e á voz.

 

 

Duración: 
30 minutos
Información da billeteira: 

Entrada gratuíta previa retirada de convite.
Máximo 2 convites por persoa.
Prégase acudir cunha antelación mínima de 15 minutos. O uso de máscara é obrigatorio.
____
Reserva preferentemente online na web compostelacultura.gal
Horario do despacho de billetes do Teatro Principal: de luns a venres, de 18 a 20 horas.
De non poder asistir, por favor, comuníqueo no teléfono 981 54 23 49 no horario do despacho de billetes.
____
En caso de choiva, os eventos ao aire libre serán cancelados.

Funcións: 
Mércores, 12 Agosto, 2020
20:00
Alameda

UBICACIÓN