RADAR 4

DATOS BÁSICOS

CURTOCIRCUÍTO 2022

RADAR 4

Obras de calquera xénero e de calquera nacionalidade. Unha variada selección dos títulos que marcan tendencias a escala mundial, tanto na ficción como na animación ou o documental. Cineastas experimentados conviven con novas promesas: curtas que chegan avaladas por numerosos premios concedidos en festivais internacionais e novas obras que Curtocircuíto quere dar a coñecer.

Horrendo

Yann Gonzalez | 2022 | 22:00 | Reino Unido | FIC | COL, B&N

A estrela do pop Oliver Sim é o convidado principal dun faladoiro en televisión que axiña se converte nunha viaxe surrealista de amor, vergoña e sangue. Unha curta musical en tres partes.

Marte exaltado

Jean-Sébastien Chauvin | 2022 | 18:00 | Francia | EXP, FIC | COR

Un home durmido soña cunha cidade ao anoitecer. Ou é a cidade a que soña con el?

Estrea en España

Agriloxística

Gerard Ortín Castellví | 2022 | 21:00 | Reino Unido, España | DOC | COR

Nun invernadoiro industrial, as máquinas revisan as plantas e clasifícanas. As cámaras son indispensables para o traballo dos robots. O ser humano só intervén para endereitar algo cando se torce, plantar sementes delicadas ou limpar as máquinas, para que todo siga funcionando. Os produtos deben manter un estándar de calidade e saír listos para o seu consumo. Só á noite, cando todo está durmido, a vida, inesperada, entra en escena e toma o control.

Duración: 
61 min
Entradas: 
  • compostelacultura.gal
  • Despacho de billetes da Zona C. Punto de Información Cultural. De martes a sábado, de 11 a 14 e de 16 a 19 h. Tel.: 981 542 462
  • Despacho de billetes do Teatro Principal. Os días de festival, desde 1 h antes do comezo da primeira sesión ata o comezo da última sesión. Tel.: 981 542 349

PRÉGASE USO PREFERENTE DA WEB PARA A ADQUISICIÓN DE ENTRADAS

Funcións: 
Venres, 7 Outubro, 2022
17:30
Teatro Principal