CINEUROPA
PANORAMA AUDIOVISUAL GALEGO
LA ENTREGA (2022)
Pedro Díaz
España / 24 min / Ficción / Español
Ficha artística:
Ramón Barea, Ferran Vilajosana, Ana Del Arco, Laura Galán, Mila Pérez
Ficha técnica:
Guión: Fran Carballal, Pedro Díaz
Fotografía: Luis Guijarro
Edición: Juan Manuel Gamazo
Produción: Pedro Díaz, Pablo Zorrilla, Felipe Salas, Fran Carballal, Carlos Guerrero, Pablo de la Chica, César Benítez, Manuel Manrique, David Casas Riesco
Sinopse:
Armando ten 80 anos. Un descoñecido trauma impídelle saír da súa casa desde hai unha década. O seu único contacto co exterior é a través dun rider que lle trae os pedidos que xestiona o seu fillo desde o estranxeiro. Un día Armando recibe algo que fará que reaparezan vellas pantasmas, medos e lembranzas que afrontar.
Pedro Díaz (Santiago de Compostela). Estuda dirección de cinema na Escola Bande à Part de Barcelona. No 2013 dirixe a curtametraxe Mal de sangre, premiada en diferentes festivais nacionais e que viaxa por Europa, Latinoamérica e EEUU. Desde 2014 é director en Movistar+ e traballa en publicidade con produtoras como Mediapro. Dirixindo campañas publicitarias gañou diferentes galardóns nos Promax Awards ou no New York Film Festival.
O NIÑO DOS PAXAROS (2021)
Lucía Estévez
Galicia / 16 min / Documental-ficción / Galego
Ficha artística:
Manu Estévez, María Tasende, Diego Anido
Ficha técnica:
Guión: Lucía Estévez, Manu Estévez
Fotografía: Ariadna Cordal, Dani Cornes
Edición: Lucía Estévez, Brandán Cerviño
Música: Xavier Bértolo
Sinopse:
Os pardais fanse oco entre a maquinaria, nos tubos de escape, nos motores abertos ou nos asentos dos coches da terceira planta. Cando escoitan abrir o gran portalón á primeira hora da mañá, voan lixeiros para entraren. Hoxe o taller é un lugar seguro para eles, do mesmo xeito que o foi para o meu pai nos anos 80.
Lucía Estévez (Vigo). Graduada en Comunicación audiovisual na Universidade de Vigo e no Porto. No 2018 gana o Premio María Luz Morais polo seu videoensaio Muller personaxe. No 2019 gana o premio á Mellor Dirección de CREA no Festival Internacional Curtocircuíto pola súa curta de ficción Arrolo. No 2021 gana o Premio Mestre Mateo á mellor serie web con Xan, proxecto co-creado con Miguel Canalejo. A súa última curta, O neno sardiña, foi seleccionada no Festival de Xixón 2022.
SAUERDOGS (2022)
Guillermo de Oliveira
España / 15 min / Ficción / Inglés
Ficha artística:
August Diehl, Jonathan D. Mellor
Ficha técnica:
Guión: Guillermo de Oliveira, Hector Rojo
Fotografía: Carlos de Miguel
Edición: Guillermo de Oliveira
Produción: Luisa Cowell, Guillermo de Oliveira
Sinopse:
O inverno adiantouse. Bill e Hans, dous fracasados buscadores de ouro que viaxan nunha maltreita zorra de cans, tentan regresar á casa. A través dun inhóspito val nevado, derreados e coas mans baleiras, esgotaron xa por completo a súa marxe para o erro. Cando un dos cans non dá continuado, comezan a aparecer as fendas nos alicerces da súa lealdade.
Guillermo de Oliveira (Vigo). Produtor e director de cinema e publicidade. A súa carreira comeza coa adaptación de videoxogos a curtas de acción real de excelente acollida, como Max Payne: Valhalla (2012) ou Red Dead Redemption: Seth’s Gold (2015). O seu debut na longametraxe foi o documental Desenterrando Sad Hill, premio á mellor película Noves Visions no Festival de Sitges e candidata aos Goya 2019 como mellor documental.
