PREMIO CINEUROPA JAIONE CAMBORDA + ARIMA

CINEUROPA · PREMIO CINEUROPA JAIONE CAMBORDA

ARIMA (2019)

Jaione Camborda

España  / 77 min / Ficción / Galego

Ficha artística:

Melania Cruz, Nagore Arias, Rosa Puga Davila, Iria Parada, Tito Asorey, Mabel Rivera

Ficha técnica:

Guión: Jaione Camborda 

Fotografía: Alberte Branco

Edición: Marcos Flórez

Produción: Alfonso Zarauza, Carlos M. Carbonell, Jaione Camborda

Sinopse:

Arima é o que se albisca entre a néboa, o que se intúe pero non se alcanza a ver con claridade: un soño, unha lembranza, un desexo. A chegada inesperada de dous forasteiros altera a vida de catro mulleres e dunha nena nun pequeno lugar. Un deles foxe do outro, agochándose como unha presenza espectral e incerta; o outro, ferido e armado, espertará nas mulleres medos e pulsións ocultas. Entre o real e o imaxinado, entre o pesadelo e o soño, Arima debuxa un territorio de misterio onde o desexo e o medo se confunden.

Jaione Camborda é unha cineasta que traballa desde a materia, o corpo e a memoria para crear narrativas sensoriais profundamente vinculadas ao territorio. Formada na FAMU de Praga e na HFF de Múnic, desenvolveu un cine de experimentación plástica a través de curtas premiadas antes de consolidar a súa propia voz no panorama cinematográfico. A súa primeira longametraxe, Arima (2019), destacouse pola súa atmosfera envolvente e pola exploración da identidade e do misterio. C’O corno (2023), sobre unha parteira nunha viaxe de fuxida e resistencia, converteuse na primeira directora española en gañar a Cuncha de Ouro do Festival de San Sebastián. As súas películas proxectáronse en máis de 60 países e en festivais como Toronto, BFI London, Busan ou San Sebastián.

Mellor Película na Sección Escáner do Festival Márgenes 2019

Mellor Dirección da Sección As Novas Ondas do Festival de Cine de Sevilla 2019