ALGUÉN QUE RESPIRA! VIII FESTIVAL DE POESÍA PARA CORPO PRINCIPAL
LECTURA DO MANIFESTO GALEGO POLO DÍA DA POESÍA
Máis de corenta poetas, músicos e performers ocuparán o Teatro Principal de Compostela dentro do festival Alguén que respira!, que se desenvolverá do 20 ao 22 de marzo próximo a súa oitaba edición. Con este festival, organizado polo Concello de Santiago co apoio da Xunta de Galicia, Compostela celebra o Día Mundial da poesía e faino, ademais, cun programa excepcional que o converte nun dos referentes do estado.
O encargado de escrtibir este ano o manifesto galego do Día Mundial foi o poeta Xosé María Álvarez Cáccamo (na foto), que elixiu como título poesía / vida, lema precisamente, da oitaba edición do festival. “Fronte ao dominio da vulgaridade reaccionaria, o terror de estado, o crime de lesa humanidade, a inxustiza universal e a violencia imperialista, a Poesía ergue unha vontade firme de vida xusta, libre e igualitaria, de intelixencia construtiva e fraternal”, “escribe o poeta nun texto apaixonado e lúcido.
