ALGÚEN QUE RESPIRA! · VIII FESTIVAL DE POESÍA PARA CORPO PRINCIPAL
POESÍA SEN ETIQUETAS
O festival Alguén que respira! péchase cun recital de vocación híbrida, onde a poesía e o resto das artes se alían para diluír fronteiras entre o popular e o culto, entre o poema e a fala, entre a performance e a música. O obxectivo é apostar pola experimentación dos sentidos. Pensar, gozar e divertirse.
Helena Salgueiro
Amor Beckettiana –Un re-enactment a partires do poemario Amor palimpsesta–
Inspirándose na escenificación de Not I de Samuel Beckett, Amor Beckettiana é unha proposta de poema escénico e cinema en directo, onde a voz da performer se desconfigura e fragmenta nun fluír de consciencia, e onde o poemario Amor palimpsesta se expande nun devir de nunca acabar
Miriam Reyes con El Pricto, Ilona Schneider e Vasco Trilla
Con en concerto
Con, título tamén do último poemario de Miriam Reyes, é unha proposta na que se pensa a complexidade das relacións emocionais e o seu impacto na nosa identidade. Motivada polo afán de multiplicar o terreo do posible, a poeta colabora con tres dos máis recoñecidos músicos de improvisación libre do underground barcelonés para achegar as súas linguaxes ao escenario. A peza musical que presentan en Alguén que respira! toma elementos da composición homónima de El Pricto e reformúlaa nesta nova creación
Flow do toxo
Aquí están as que gritan
Flow do Toxo presenta un novidoso formato para o festival, sen abandonar as súas característica de rapeiras reivindicativas e feministas que convulsionaron o panorama galego dos últimos anos. O grupo, formado en 2018, está integrado por Laura, St, Temible Olivina e Xia Nonneva
