A NOITE DO PATRIMONIO · ESCENA PATRIMONIO
PICASSa
LORENA NOGAL
Inspirándose nas rupturas visuais de Picasso, PICASSa é unha peza site-specific concibida especialmente para espazos museísticos, que explora a desafección, a pegada do efémero e a procura de novas formas de expresión. A través dun exercicio de descontextualización e transformación do espazo expositivo, a obra establece unha estreita relación co cubismo e convida a repensar a realidade desde múltiples perspectivas.
Mediante unha relectura do corpo e da súa ligazón co espazo e co espectador, PICASSa propón unha viaxe creativa máis alá dos límites escénicos convencionais, abrindo novas posibilidades de relación entre forma, percepción e imaxinación.
O espazo, sempre cambiante, convértese no fío condutor desta enciclopedia visual en movemento, que guía tanto á artista como ao público a través dunha serie de paisaxes sensoriais e creativos. A obra transforma o museo en punto de partida para un proceso de autoexploración, propoñendo unha experiencia única que transforma o acto de mirar.
FICHA ARTÍSTICA
-
Idea e dirección artística: Lorena Nogal
-
Coreografía e interpretación: Lorena Nogal
-
Produción: Àngela Boix
-
Asistencia coreográfica: Marina Rodríguez
-
Asistencia artística: Álvaro Esteban
-
Vestiario: Mar García Jiménez – Marlota
-
Deseño de son: Manuel Rodríguez e Rafael Heredia Horimoto
-
Fotografía: Lourdes Cabrera
Coprodución: Graner, centro de creación de danza e artes vivas, e Museu Picasso, no marco do programa Creación y Museos do Institut de Cultura de Barcelona co apoio da Xarxa de Fàbriques de Creació de Barcelona. Coa colaboración do Festival Grec de Barcelona e o Festival Escena Patrimonio.
Lorena Nogal (Barcelona, 1984) é unha destacada bailarina e coreógrafa formada no Institut del Teatre de Barcelona, onde se graduou en 2005. Posteriormente incorporouse a IT Dansa, traballando con recoñecidos coreógrafos como Ohad Naharin, Alexander Ekman, Jirí Kylián, Stijn Celis e Nacho Duato.
Desde 2008 forma parte do núcleo artístico de LA VERONAL, compañía dirixida por Marcos Morau, con quen colaborou estreitamente creando para importantes compañías internacionais como The Royal Danish Ballet, Beijing Dance Theater, GöteborgsOperans Danskompani, National Dance Company Wales, Compañía Nacional de Danza, Scapino Ballet, Carte Blanche, Norrdans, Skånes Dansteater, Ballet Zürich, Ballet Nacional de España e Nederlands Dans Theater.
O seu traballo foi recoñecido con numerosos premios:
-
Premio á Mellor Coreografía por Afanador (Premios da Crítica de Cataluña e Premios Talía, 2025)
-
Premio Nacional de Danza á Mellor Intérprete (Ministerio de Cultura de España, 2024)
-
Premio Talía á Mellor Intérprete Feminina (Academia das Artes Escénicas, 2024)
-
Premio Butaca á Mellor Intérprete Feminina por Firmamento (2024)
-
Premio á Mellor Bailarina (Premios da Crítica de Cataluña, 2016)
En 2018 cofundou HOTEL Col·lectiu Escènic, unha compañía catalá centrada na creación colaborativa e interdisciplinaria.
As súas últimas creacións son:
-
A singular beauty (creación, 2025)
-
Mata’m Psicosi e Pura Passió de Lucia del Greco (asistencia artística e movemento, 2024–2025)
-
Expectativas de Marta Nogal (acompañamento escénico, 2024)
-
AQUÍ (creación e interpretación, HOTEL, 2023)
-
El elogio de la fisura (creación e interpretación, 2022)
-
ALEGORÍAS (El Límite y sus Mapas) de Paula Comitre (co-creación e interpretación, 2022)
Lorena tamén imparte obradoiros centrados na disociación corporal e no método KOVA, unha linguaxe de movemento desenvolvida xunto a La Veronal que influíu profundamente no seu traballo coreográfico e pedagóxico.
