RFG · OBRADOIRO DE COMPOSICIÓN RESIS.LAB IV

TEMPADA «MEMORIA» · CONCERTOS FÓRA DE ABONO

REAL FILHARMONÍA DE GALICIA

Ben Voce, director
Magnus Lindberg, profesor de composición

PROGRAMA

Obras resultantes do obradoiro

Fiel á súa aposta pola creación contemporánea e polo impulso ás novas xeracións de compositoras e compositores, a Real Filharmonía de Galicia convoca a cuarta edición do Obradoiro de Composición RFG / RESIS.LAB. Esta consolidada iniciativa en alianza co Festival RESIS, ofrece a novos talentos a oportunidade excepcional de traballar durante unha semana cunha orquestra profesional, nun contexto de experimentación, diálogo e intercambio artístico. Baixo a dirección de Ben Voce e coa titoría do recoñecido compositor Magnus Lindberg, o obradoiro abrirá en outubro unha nova convocatoria internacional. De entre todas as partituras recibidas seleccionaranse seis obras, que serán traballadas en sesións de ensaio coa orquestra e presentadas finalmente nun concerto público e de balde. Para a Real Filharmonía de Galicia, esta iniciativa representa non só un espazo de formación e acompañamento artístico, senón tamén unha oportunidade privilexiada para descubrir novas voces e contribuír activamente ao futuro da creación musical contemporánea. Unha das experiencias máis estimulantes da tempada. 

En colaboración con

logo-resis-web_2.png