CINEUROPA
PANORAMA AUDIOVISUAL GALEGO
O SILENCIO HERDADO (2025) + PRESENTACIÓN
Lucía Dapena
España / 83 min / Documental / Galego, castelán
Ficha técnica:
Guión: Lucía Dapena, Liliana Díaz Castillo
Fotografía: Lucía C. Pan, Lucía Dapena
Edición: Juan Soto Taborda, Liliana Díaz Castillo
Produción: Lucía Dapena, Paulina Martinez, Matheus Mello, Suso López
Sinopse:
Como falar do que non se conta? Lucía achégase á súa avoa Edilia na procura de respostas, mais só atopa silencio. Un silencio denso, doloroso, imposible de romper. Cando comprende que Edilia nunca lle dará as respostas que busca, ambas exploran os límites da palabra e da imaxe, convertendo ese silencio no seu lugar de encontro.
Lucía Dapena é unha cineasta galega especializada en cinema documental, formada na Universidade Pompeu Fabra. É cofundadora de La Selva. Ecosistema Creatiu, plataforma dedicada á creación e produción audiovisual. Como directora e guionista, participou no filme colectivo Disonar (2022), proxectado en certames como a Biennal del Pensament e a Mostra de Films de Dones de Barcelona ou MIDBO. É tamén coguionista da longametraxe On eres quan hi eres?, dirixida por Jana Montllor.
Premio ao Mellor Guión no Ourense Film Festival (OUFF) 2025
