CINEUROPA
PANORAMA INTERNACIONAL
O ÚLTIMO AZUL (2025)
Gabriel Mascaro
Brasil, México, Chile, Países Baixos / 86 min / Ficción / Portugués
Ficha artística:
Denise Weinberg, Rodrigo Santoro, Miriam Socarrás
Ficha técnica:
Guión: Gabriel Mascaro, Tibério Azul
Fotografía: Guillermo Garza Morales
Edición: Omar Guzmán, Sebastián Sepúlveda
Produción: Rachel Daisy Ellis, Giancarlo Nasi, Simone Oliveira, Sandino Saravia Vinay, Marleen Slot
Sinopse:
Tereza, de 77 anos, viviu toda a súa vida nunha pequena cidade industrial da Amazonia ata que recibe unha orde oficial do goberno para trasladarse a unha colonia para maiores. Nese lugar illado, os anciáns son levados para “gozar” dos seus últimos anos, mentres a xeración nova pode dedicarse por completo á produtividade e ao progreso. Mais Tereza négase a aceptar ese destino imposto e emprende unha viaxe transformadora polos ríos e afluentes da selva amazónica para cumprir un último desexo antes de que lle arrebaten a liberdade: un acto de rebeldía que mudará o seu destino para sempre.
Gabriel Mascaro é un director, guionista, produtor e artista visual brasileiro. Tras licenciarse en Comunicación Social, comezou a realizar documentais recoñecidos internacionalmente, como KFZ-1348 (2008), Um Lugar ao Sol (2009) e Doméstica (2012). A súa primeira longametraxe de ficción, Ventos de agosto (2014), estreouse en Locarno e marcou o inicio da súa proxección internacional. Con Boi neon (2015) consolidouse como unha das voces máis orixinais do novo cinema brasileiro, gañando o Premio Especial do Xurado na sección Horizontes do Festival de Venecia, ademais de múltiples recoñecementos en Toronto, Rotterdam e Mar del Plata. En 2019 presentou Divino amor, seleccionada no Festival de Sundance e na Berlinale. A súa obra destaca pola exploración sensual e política da identidade, a modernidade e o desexo no Brasil contemporáneo.
Gran Premio do Xurado e Premio do Xurado Ecuménico na Berlinale 2025
Candidato a Mellor Filme na SEMINCI
