DA.TE DANZA
Idade recomendada: >6 meses a 5 anos
Duración: 50 min
Lingua: castelán
[DENTRO DO PROGRAMA PLATEA DO INAEM. MINISTERIO DE CULTURA E DEPORTE]
Cada persoa brilla con luz propia entre todas as demais. Neste espectáculo de danza contemporánea vemos a dous intérpretes, dous amigos, dous cómplices que se atopan nunha sala de xogos.
Descobren que hai auga, lume, vento e terra ordenados e á súa enteira disposición. Un cuarto de xogos pode ser unha praia, pode ser un deserto, pode ser o mar. E tamén… cando estamos sos, poden ser moitos mundos.
Natanam significa danza en sánscrito. E ese é o punto de partida deste espectáculo: queriamos dar aos máis pequenos, á primeira infancia, un espazo e un tempo de sensacións a partir da pureza da danza.
Natanam é unha aprendizaxe do camiño cara á alegría que produce o desapego. Ao facerse realidade sobre o escenario, démonos conta de que Natanam é un espectáculo multinivel, con distintos graos de simbolismo dependendo da idade e madurez do espectador, por iso pensamos que é ideal tanto para a infancia como para o público familiar.
Ficha artística
Interpretación en creación: Raúl Durán, Gonzalo Moreno e Mª José Casado
Dirección coreográfica: Omar Meza
Asesoramento en dramaturxia e posta en escena: Concha Villarrubia
Dramaturxia: Lola Fernández de Sevilla
Deseño de iluminación: Aitor Palomo
Deseño de vestiario: Laura León
Escenografía e utillería: Manu Sinkeli
Música orixinal: Jesús Fernández e David Campodarve
Asesoramento espazo escénico: Victor Borrego
Produción executiva: Jacinto Santiago
Axudante de produción, administración e comunicación: Kike Fernández.
Asesor de produción e xerencia: Javier Zurita Chao