CINEUROPA
SECCIÓN OFICIAL EUROPEA / FANTASTIQUE COMPOSTELA
MOTHER’S BABY / O BEBÉ DA NAI (2025)
Johanna Moder
Austria, Suíza, Alemaña / 107 min / Ficción /
Ficha artística:
Marie Leuenberger, Hans Löw, Claes Bang
Ficha técnica:
Guión: Arne Kohlweyer, Johanna Moder
Fotografía: Robert Oberrainer
Edición: Karin Hammer
Produción: FreibeuterFilm, Tellfilm, Match Factory Productions
Sinopse:
Julia, unha prestixiosa directora de orquestra, e o seu compañeiro, Georg, devecen por ter un fillo. Cando o doutor Vilfort, especialista en fertilidade, lles propón un tratamento experimental, por fin ven abrirse unha porta á esperanza. O embarazo avanza con éxito, pero o parto complícase e o bebé é trasladado de inmediato para recibir atención médica. Cando Julia o volve ver, algo non encaixa: séntese estrañamente afastada e comeza a dubidar de que ese neno sexa realmente seu. A sospeita medra, poñendo en risco o seu matrimonio.
Johanna Moder é unha guionista e directora austríaca. A súa primeira longametraxe, High Performance, gañou o prestixioso Premio do Público no Festival Max Ophüls de 2014. A súa segunda película, Once Were Rebels, tivo a súa estrea internacional no Festival de Cinema de Zúric, onde acadou o Premio do Xurado Ecuménico, ademais do galardón á Mellor Dirección no Festival Max Ophüls 2020 e o Premio Thomas Pluch ao Mellor Guión. Nos últimos anos dirixiu a súa primeira serie, School of Champions, o filme policial Zeit zu beten, protagonizado por Marie Leuenberger, e o telefilme Ewig dein.
Sección Oficial da Berlinale 2025
Sección Oficial do Festival de Sitges
