MONSTRUO DE XIBALBA

CINEUROPA

LATIDOAMERICANO / CINEUROPA MIÚDA

MONSTRUO DE XIBALBA  (2024)

Manuela Irene

México / 76 min / Ficción / Castelán

Ficha artística:

Gibrán Alonzo, Rogelio Ojeda González, Manuel Irene

Ficha técnica:

Guión: Manuela Irene

Fotografía: Damián Aguilar

Edición: Liora Spilk Bialostozky, Manuela Irene, Federico Veiroj

Produción: Damián Aguilar, Manuela Irene, Daniel Loustaunau

Sinopse:

Un neno curioso e imaxinativo chamado Rogelio pasa unha tempada na vila da súa coidadora, Eduarda, na península de Iucatán. Alí, entre xogos e novas amizades, comeza a descubrir un universo máxico onde as fronteiras entre o real e o fantástico se volven difusas. Fascinado polas lendas locais e atraído polo misterio da morte, o rapaz acaba convencido de que un ancián solitario do lugar podería ser o temido monstro de Xibalba, espírito do inframundo maia.

Manuel Irene é unha cineasta e guionista mexicana. A súa curtametraxe Un xesto (2015) foi seleccionada en festivais como Morelia, Cinélatino Toulouse e Shorts México. En 2018 rodou en Colombia Sol del llano e coeditou El paraíso de la serpiente, ambas incluídas na selección oficial do XVII Festival Internacional de Cine de Morelia. Con Monstruo de Xibalba, Irene consolida unha mirada autoral que combina o realismo e a fábula para explorar a infancia, a morte e o imaxinario popular latinoamericano.