CICLO DE LUGARES E ÓRGANOS
>> ITINERARIO E CONCERTO
MEMORIA SILENTE: BARTOLOMÉ DE OLAGÜE, ITINERARIO POLOS LUGARES DE MEMORIA ARREDOR DA FIGURA DO ORGANISTA E COMPOSITOR COMPOSTELÁN
OUTRAS PAISAXES, OUTROS TONS DA CIDADE
Olagüe, unha relevante figura do Barroco, vén engrosar, a raíz das últimas investigacións musicolóxicas, a nómina de compositores galegos pois, até a data, era descoñecido o seu lugar de nacemento. Sabemos agora que era orixinario de Santiago de Compostela e que, moi novo, profesou como monxe organista no mosteiro de Santa María de Sobrado, no que pasará corenta anos da súa vida. Trátase dun músico, organista, do que ademais se conserva obra escrita, cousa pouco habitual na altura. O itinerario percorrerá, ao longo da cidade, diferentes lugares que teñen que ver coa figura deste ilustre músico e rematará cun pequeno concerto, a cargo do organista e investigador Marco Aurélio Brescia, no que se interpretarán obras de Olagüe recollidas no coñecido como Libro de Cyfra de Porto, no órgano de San Miguel dos Agros.
Programa completo do ciclo
