MARCELINE

LA PETITA MALUMALUGA

Idade recomendada: de 0 a 3 anos
Duración: 35 min 
Lingua: castelán

A Tropa C por vez primeira

Marceline naceu no Pirineo Aragonés o ano 1873 e estableceu as liñas da linguaxe do pallaso moderno en Londres. É, sen ningunha dúbida, un dos protagonistas esenciais das artes escénicas do seu tempo e creador de novos formatos teatrais. Foi o mestre de Charles Chaplin e o referente de Buster Keaton. 
Eva é a súa tataraneta e desde que ten consciencia quixo subir aos escenarios. Nunca ninguén lle falou de Marceline, ata que a súa avoa, nos últimos anos da súa vida lle explicou as súas orixes e o por que os seus pais quixeron facela desistir dunha carreira artística.
Marceline quere ser unha homenaxe ás artes escénicas. Desde o movemento, a música en directo e a tecnoloxía aplicada á escena, ofrece un percorrido pola vida de Marceline Orbés, un catálogo de números históricos de clown e unha reflexión estética, sobre o feito artístico nesta sociedade e na dos inicios do século XX.
 

[Fotografía: David Ruano]