LOS SARA FONTÁN E AMORANTE PRESENTAN 'SO'

DATOS BÁSICOS

Los Sara Fontán & Amorante preséntanse unidos no espectáculo SO (son), que propón escoitar sen ver. Nun tempo onde ollamos a música a través de pantallas, Amorante e Los Sara Fontán sitúan de xeito militante, o son (SO) no centro. Unha peza sónica a escuras, só bañada pola luz de nove lanternas controladas polos propios músicos. Dispostos en círculo e co público rodeándoos, o inédito trío toca, canta, declama, baila, corre e performa de xeito ininterrompido, sen descuartizar o son en cancións ou fragmentos. A ollada pasiva subordínase á escoita activa mentras Iban Urizar (Amorante), Sara Fontán e Edi Pou viaxan por unha infinidade de estilos e texturas, desde a música tradicional e as paisaxes sonoras até o posthardcore e o trap con autotune.

Este concerto enmárcase no festival “O QUE NON SE ESCRIBE. ARQUIVOS SONOROS E CREACIÓN CONTEMPORÁNEA”, que se presenta de novo como unha oportunidade para seguir afondando na aprendizaxe e a experimentación a partir do noso patrimonio sonoro, e divulgar o que fomos, o que somos, e o que tendemos a ser como país musical. As xornadas volven poñer o foco no proceso, desde o máis antigo ao máis contemporáneo, e presentan un programa pensado como unha posta en común dalgúns dos temas que ocupan e preocupan ás artistas, estudosas e institucións que traballan cos arquivos tradicionais; ao tempo que se propoñen espectáculos ao vivo que son unha mostra dos proxectos máis actuais arredor da música tradicional desde unha óptica propia e ao mesmo tempo global. As xornadas están organizadas por Luneda Producións; patrocinadas pola Concellaría de Acción Cultural do Concello de Santiago, Turismo de Santiago, e a Secretaría Xeral de Política Lingüística; e contan tamén coa colaboración de Artistas en Ruta-AIE, aCentral Folque, a USC e o Institut d'Estudis Baleàrics.

Consulta AQUÍ O PROGRAMA COMPLETO.

Entradas: 

ENTRADAS DISPOÑIBLES A PARTIR DO MÉRCORES 6 DE ABRIL ÁS 11.00 H

  • compostelacultura.gal
  • Despacho de billetes da Zona C. Punto de Información Cultural. De martes a sábado, de 11 a 14 e de 16 a 19 h. Tel.: 981 542 462
  • Descontos do 50% para persoas desempregadas, perceptoras de rendas sociais, xubiladas, maiores de 65 anos, estudantes, menores de 25 anos e membros de familias monoparentais ou numerosas.

PRÉGASE USO PREFERENTE DA WEB PARA A ADQUISICIÓN DE ENTRADAS

PROTOCOLO DE ACCESO A ESPECTÁCULOS PUBLICADO NA PORTADA

Funcións: 
Venres, 13 Maio, 2022
20:30
Fundación SGAE