LOLA de Antonio Caeiro

CINEUROPA

PANORAMA AUDIOVISUAL GALEGO

LOLA (2025)

Antonio Caeiro

España / 91 min / Documental / Galego, castelán

Ficha artística:

Dolores Rodal Blanco 

Ficha técnica:

Guión: Antonio Caeiro

Fotografía: Xan Lourenzo, Eloy Puga

Edición: O Faiado

Produción: Antonio Caeiro, Margarita Teijeiro

Sinopse:

Lola reconstrúe a historia de Dolores Rodal Blanco, veciña de Cangas do Morrazo, quen con só quince anos viu como o golpe de Estado de 1936 destruía o seu mundo. Filla dunha familia de sindicalistas perseguidos, tivo que sobrevivir xunto á súa irmá pequena mentres os seus pais permanecían encarcerados e os seus irmáns eran asasinados ou forzados ao exilio. O filme, concibido como unha road movie, é unha viaxe física e emocional polos lugares da memoria da protagonista, que funciona tamén como un retrato colectivo daqueles anos, tanto no ámbito local como no nacional.

Antonio Caeiro é realizador e traballador da imaxe, fundamentalmente autodidacta. Comezou a filmar aos quince anos, pouco despois da morte de Franco, un momento que marcaría a súa relación co audiovisual e coa memoria histórica. Tras unha etapa experimental con superochos e vídeos domésticos, orientou o seu traballo cara ao documental e á memoria oral. É autor de pezas como Aillados (1988), sobre a historia do campo de concentración da Illa de San Simón, A memoria nos tempos do volfram (2003), A volta dos nove (2014) ou Eu tamén necesito amar (2020). En 2008 fundou, xunto a Margarita Teijeiro, O Faiado da Memoria, proxecto dedicado á recuperación e difusión da historia cotiá de Vilagarcía e das súas xentes.

Mellor Dirección no Ourense Film Festival (OUFF) 2025