LA PETITE DERNIÈRE / A IRMÁ PEQUENA

CINEUROPA

SECCIÓN OFICIAL EUROPEA

LA PETITE DERNIÈRE / A IRMÁ PEQUENA (2025)

Hafsia Herzi

Francia, Alemaña  / 106 min / Ficción / Francés

Ficha artística:

Nadia Melliti, Park Ji-min, Amina Ben Mohamed

Ficha técnica:

Guión: Hafsia Herzi. Baseado na novela de Fatima Daas

Fotografía: Jérémie Attard

Edición: Géraldine Mangenot

Produción: Julie Billy, Vanessa Ciszewski, Naomi Denamur, Olivier Père

Sinopse:

Fatima, de dezasete anos, a máis nova de tres irmás, procura o seu propio camiño con cautela. Mentres esperta aos seus desexos e descubre a súa atracción polas mulleres, tenta manter a lealdade cara á súa afectuosa familia franco-arxelina. Ao comezar a universidade en París, ábrese a novas amizades, experiencias e amores, mais enfróntase a un dilema fondo e intemporal: como ser fiel a si mesma cando reconciliar as distintas partes da propia identidade semella imposible?

Hafsia Herzi é unha actriz e directora francesa de orixe alxeriana e tunisiana. Deuse a coñecer coa película A semente e a mula, de Abdellatif Kechiche, pola que gañou o César á actriz revelación e o premio Marcello Mastroianni en Venecia. En 2019 debutou como directora con Mereces un amor, seleccionada na Semana da Crítica de Cannes, e en 2021 presentou no mesmo festival o seu segundo filme, Boa nai, unha homenaxe ás nais traballadoras dos barrios de Marsella onde medrou. Ao longo da súa carreira colaborou con cineastas como Bertrand Bonello, Radu Mihaileanu ou Patricia Mazuy, consolidándose como unha das voces máis persoais e comprometidas do cinema francés contemporáneo.

Premio á Mellor Actriz (Nadia Melliti) e Queer Palm no Festival de Cannes

Candidato a Variety Piazza Grande Award no Festival de Locarno