KUANG YE SHI DAI / RESURRECTION / RESURRECCIÓN

CINEUROPA

PANORAMA INTERNACIONAL / FANTASTIQUE COMPOSTELA

KUANG YE SHI DAI / RESURRECTION / RESURRECCIÓN (2025)

Bi Gan

China, Francia / 160 min / Ficción / Chinés

Ficha artística:

Jackson Yee, Shu Qi, Mark Chao

Ficha técnica:

Guión: Bi Gan

Fotografía: Dong Jingsong

Edición: Bi Gan, Bai Xue

Produción: Bi Gan, Charles Gillibert, Yang Lele, Jing Leng, Olivier Père, Zuolong Shan, Juan Wan

Sinopse:

Nun futuro no que a maioría da humanidade perdeu a capacidade de soñar, unha muller descobre que un ser extraordinario pode seguir percorrendo os mundos oníricos que os demais xa non poden alcanzar. Empregando o seu poder para adentrarse na mente do ser, accede ás súas visións sobre a historia chinesa, atravesando épocas, cinema e memoria. En cinco capítulos sensoriais, Resurrección opera como unha odisea visual sobre o cinema, o soño e a procura da eternidade.

Bi Gan é un director de cine, guionista, poeta e fotógrafo chinés. Debutou no mundo da curtametraxe de ficción con South. Dous anos despois realizou unha peza en branco e negro, Diamond Sutra, que foi considerada a mellor curta no 9º Festival de Cine Independente de China. A súa primeira longa, Kaili Blues, recibiu varios galardóns internacionais, entre eles o de Mellor Director nos Premios Cabalo de Ouro, o Premio FIPRESCI e o Montgolfière de Ouro. En 2018 escribiu e dirixiu a súa segunda película, Longa viaxe cara á noite, que tivo un exitoso percorrido por festivais de todo o mundo. 

Premio Especial do Xurado no Festival de Cannes 2025

Sección Oficial na SEMINCI