KEVIN B. LEE FT. HARUN FAROCKI

DATOS BÁSICOS

Harun Farocki (1944-2014) produciu máis de 120 traballos entre películas, televisión e videoarte, pero o seu enorme impacto sobre a paisaxe dos medios de difusión aínda non foi apreciado na súa totalidade. Durante a súa labor como primeiro artista residente do recentemente creado Instituto Harun Farocki en Berlín, Kevin B. Lee produciu unha serie de videoensaios sobre Farocki para o Instituto Goethe. Os videoensaios adoptan a propia estratexia de Farocki de “imaxes estudando imaxes” para explorar a formidable obra do artista, aplicando fórmulas innovadoras como o documental de escritorio (desktop documentary) e a lexicografía videográfica.

 

HARUN FAROCKI: THE COUNTER-IMAGE

HARUN FAROCKI: A CONTRA-IMAXE

Kevin B. Lee | 2018 | 11:10 | Alemaña | DOC | COR

Esta investigación de escritorio pregunta: como pode alguén comezar a saber máis sobre Harun Farocki? Comeza cunha inocente procura en internet para ver que aparece. Revisa por riba o conxunto da súa obra e pregunta como debería un comezar a vela. Empregando diferente métodos para dar sentido ás imaxes de Farocki, xorde un concepto clave: a contra-imaxe.

 

ZWEI WEGE

DOUS CAMIÑOS

Harun Farocki | 1966 | 03:00 | Alemaña | ANI | B&N

Esta obra corta pra a canle de televisión Sender Freies Berlin (SFB) é moi relevante para os seguintes traballos de Farocki. Two Paths é a descrición dun cadro! Farocki amósanos unha imaxe dun cadro pintado ao óleo, unha alegoría relixiosa que amosa o "bo" e o "mal" camiño para un cristián. Un camiño leva ao paraíso, e o outro ao inferno.

 

HARUN FAROCKI: LEXICON

HARUN FAROCKI: DICCIONARIO

Kevin B. Lee | 2018 | 13:10 | Alemaña | DOC | COR

Cinco décadas de películas e material fílmico son transformados nun vocabulario audiovisual, para ensinar conceptos clave farockianos da A á Z. Este videoensaio inspírase na institución que o encargou, o Instituto Goethe, na súa competencia como principal educador sobre a lingua alemá no mundo, así como tamén na fascinación perpetua que tiña Farocki polas funcións pedagóxicas das películas e os medios de difusión.

 

SCHLAGWORTE, SCHLAGBILDER. EINE GESPRÄCH MIT VILÉM FLUSSE

FRASES GANCHO - IMAXES GANCHO. UNHA CONVERSA CON VILÉM FLUSSER

Harun Farocki | 1986 | 13:00 | Alemaña | DOC | COR

Farocki conversa co filósofo Vilém Flusser sobre como se organiza a portada do xornal diario de prensa amarela Bild Zeitung. Esta páxina é concibida como unha entidade en si mesma: por un lado, é imposible entender o texto sen atender ás imaxes, usando o máximo impacto; por outro lado, a tipografía do titular (letras grandes sobre negro) crea unha impresión visual potente e salvaxe. Imaxe e texto polo tanto refórzanse o un ao outro, provocando o mesmo "impacto" informativo. (Locarno Film Festival, 1998)

 

HARUN FAROCKI: PRESENTED

HARUN FAROCKI: PRESENTACIÓN

Kevin B. Lee | 2018 | 11:20 | Alemaña | DOC | COR

Que se pode aprender observando so os momentos nos que o artista aparece no seus propios traballos? Harun Farocki aparece en 24 das súas propias películas, o seu tempo en pantalla suma un total de 2 horas e 21 minutos, suficiente como para facer unha película. A metraxe amosa unha relación singular, e que vai evolucionando, entre un home e as súas propias imaxes.

 

PARALLELE II

PARALELO II

Harun Farocki | 2014 | 09:00 | Alemaña | ANI | COR

Parallel II and III procura as fronteiras entre os mundos dos xogos e a natureza dos obxectos. Resulta que moitos mundos de xogos toman a forma de discos flotando no universo (unha reminiscencia das concepcións prehelénicas do mundo). As palabras teñen un proscenio e unha cortina de fondo, como o escenario dun teatro, e as cousas nestes xogos non teñen unha existencia real. Cada unha das súas propiedades debe ser construída e serlles asignada de forma separada.

Duración: 
70
Información da billeteira: 

Despacho de billetes do Teatro Principal. Aberto de martes a sábado (+ días de evento) de 18.00 a 21.00h. Semana do festival de 16:30 a 23:00h. Os días que hai evento no Teatro, a venta anticipada remata ás 20.00h e só se venden entradas para o espectáculo dese día. Teléfono: 981 542 349

Funcións: 
Mércores, 2 Outubro, 2019
22:00
NUMAX

UBICACIÓN