CINEUROPA
SECCIÓN OFICIAL EUROPEA
KARMA (2026)
Guillaume Canet
Francia / 149 min / Francés, castelán
Ficha artística:
Marion Cotillard, Denis Ménochet, Leonardo Sbaraglia, Luis Zahera, Dominique Frot, Ferran Font
Ficha técnica:
Guión: Guillaume Canet e Simon Jacquet
Fotografía: Benoît Debie
Edición: Laure Gardette
Produción: Simon Jacquet, Gregory Jankilevitsch, Ardavan Safaee, Klaudia Smieja e Geneviève Lemal
Sinopse:
Nunha aldea do norte de España, Jeanne intenta reconstruír a súa vida con Daniel, que descoñece o seu pasado turbulento. Cando Mateo, o seu afillado de seis anos, desaparece misteriosamente, a policía sospeita axiña dela. Jeanne foxe entón a Francia e refúxiase na comunidade na que medrou, dirixida por Marc. Daniel, convencido de que a muller que ama é inocente, emprende unha carreira contra o tempo para atopala antes que a policía.
Guillaume Canet é un actor, director e guionista francés. Como director, debutou coa longametraxe Mon idole (2002) e acadou o recoñecemento internacional con Non llo digas a ninguén (2006), pola que gañou o César á mellor dirección. Tamén dirixiu Pequenas mentiras sen importancia (2010), Lazos de sangue (2013) e Cousas da idade (2017). Ao longo da súa traxectoria, alternou a interpretación coa dirección e a escrita de guións, traballando en producións francesas e internacionais.
FÓRA DE COMPETICIÓN NO FESTIVAL DE CANNES 2026