HELDIN / LATE SHIFT / QUENDA DE GARDA

CINEUROPA

SECCIÓN OFICIAL EUROPEA

HELDIN / LATE SHIFT / QUENDA DE GARDA (2025)

Petra Volpe

Suíza, Alemaña / 93 min / Ficción / Alemán

Ficha artística:

Leonie Benesch, Sonja Riesen, Alireza Bayram

Ficha técnica:

Guión: Petra Volpe

Fotografía: Judith Kaufmann

Edición: Hansjörg Weißbrich

Produción: Bastie Griese, Lukas Hobi, Peter Kreutz, Alexis Lieber, Reto Schärli

Sinopse:

Floria é unha enfermeira que traballa con gran dedicación e profesionalidade no servizo de cirurxía dun hospital suízo. Nunca comete erros, escoita con atención os seus pacientes mesmo nas situacións máis estresantes e está sempre dispoñible en caso de emerxencia. Pero na dura e, a miúdo, imprevisible realidade diaria do hospital, as cousas non sempre saen como se espera. Unha noite, ao comezar a súa quenda, a sala de urxencias está desbordada e falta persoal. Malia o ritmo frenético, Floria esfórzase por atender todos os pacientes, mais comete un erro fatal que pon en perigo toda a quenda. Comeza entón unha angustiosa carreira contrarreloxo.

Petra Volpe é unha guionista e directora suíza-italiana. Formouse en Arte en Zúric antes de traballar como montadora e estudar guión e dramaturxia na Academia de Cine Konrad Wolf de Potsdam-Babelsberg. Desde 2003 desenvolve unha prolífica carreira en cinema e televisión. Entre as súas obras máis salientables figuran A orde divina (2017), sobre a loita polo dereito ao voto feminino en Suíza, e a súa exitosa adaptación de Heidi (2015).

Mellor fotografía en longametraxe dos Deutscher Kamerapreis 2025

Estrea na Berlinale 2025