COMPOSTELA DIVERSA 2021
Fransy, Davide e Cibrán é un grupo de música tradicional galega que une a tradición á vangarda musical. Fransy González (percusión e voz), Davide Salvado (percusión e voz) e Cibrán Seixo (violín procesado e Moog) son tres músicos de ampla traxectoria no panorama musical galego e internacional.
Da unión destas tres carreiras artísticas individuais xorde esta nova proposta musical e escénica baseada nun repertorio musical de raíz; mantendo un pé na terra e no celme das informantes, e outro no presente.
Fransy e Davide son transmisores da música tradicional galega, e, xunto á sonoridade contemporánea de Cibrán Seixo, aportan unha nova atmosfera á música tradicional, un espazo para melodías intensas e a escoita profunda
RRSS
https://www.facebook.com/fransydavidecibran/
https://www.instagram.com/fransydavidecibran/
AS FILLAS BRAVAS
Dosinda de Cachán e Benedita de Cachán son curmáns, son madriña e afillada, son dúas das xa tan coñecidas Fillas Bravas de Chévere. Mulleres que tocan e cantan o que lles pete, como antes fixeron as súas nais e as nais das súas nais, porque son fillas do vento, mulleres de andar a pé de toxo, orgullosas de vir de tras da silveira.
Quen mellor ca elas para conducir a Gala do Orgullo de Compostela Diversa?
