FILM D’AMORE E D’ANARCHIA / AMOR E ANARQUÍA

CINEUROPA

AS COUSAS DO QUERER

FILM D’AMORE E D’ANARCHIA / AMOR E ANARQUÍA (1973)

Lina Wertmüller

Italia / 125 min / Ficción / Italiano

Ficha artística:

Giancarlo Giannini, Mariangela Melato, Lina Polito

Ficha técnica:

Guión: Lina Wertmüller

Fotografía: Giuseppe Rotunno

Edición: Franco Fraticelli

Produción: Billy Baxter, Romano Cardarelli, Herbert R. Steinmann

Sinopse:

Italia, comezos dos anos trinta. O país vive baixo o medo imposto polo réxime fascista de Mussolini e a súa milicia de camisas negras. Antonio Soffiantini, un campesiño humilde e idealista, chega a Roma decidido a asasinar o Duce e vingarse pola morte dun amigo anarquista. Agochado nun bordel grazas á axuda de Salomé, unha prostituta simpatizante da causa, Antonio espera o momento do atentado. Pero durante a estancia no prostíbulo —entre conversas, comidas e bailes— coñece a Tripolina, unha moza doce e sensible coa que descobre o amor, poñendo en conflito a súa misión e o seu corazón.

Con Film d’amore e d’anarchia, Lina Wertmüller tece unha traxicomedia política e humana, onde o erotismo, a sátira e a emoción conviven nun retrato descarnado da Italia fascista. Un filme sobre o poder, a liberdade e a fráxil fronteira entre o amor e a revolta.

Premio ao Mellor Actor (Giancarlo Giannini) no Festival de Cannes 1973