FESTIVAL C · UN BAILE CEIBE EN COMUNIDADE

FESTIVAL C · ARTES ESCÉNICAS · DANZA

UN BAILE CEIBE EN COMUNIDADE

Fran Sieira Compañía de Danza

Un baile ceibe en comunidade é unha peza contemporánea reflexo do baile e a música tradicional que investiga a relación entre o xénero e a nosa tradición. Afonda en como o xénero está presente en diferentes ámbitos, incluíndo unha manifestación cultural tan importante como o baile tradicional.
A peza trata de entender que é o xénero para nós como individuos, como colectivo e tamén como sociedade.

Reflexiona sobre as categorías de xénero e os seus estereotipos impostos socialmente para establecer distancia coa normatividade e arrastrala cara as marxes para, desde aí, construír novas formas de entender o corpo e o movemento, facendoo en comunicación coa comunidade á que convidamos a participar da mesma

(FOTO: Diego Bea Besada)

FICHA ARTÍSTICA

• Dirección artística: Fran Sieira e Sergio R. Suárez
• Bailadoras e bailadores: Adela Otero, Fran Sieira, Artur Puga e Patricia Sánchez
• Música orixinal: MounQup (Camille Hedouin) / Carlos Quintá
• Vestiario: Érica Oubiña
• Fotografías: Aigi Boga
• Distribución: URDIME