FESTIVAL C · OBRADOIRO DE CIRCO NO PARQUE

A TROPA C · ARTES ESCÉNICAS · CIRCO

CIRCO NO PARQUE NO VERÁN

CIRCONOVE

O proxecto docente de Circonove desembarca no Parque de Galeras para mergullar a rapazada nas diferentes técnicas circenses. Acrobacias, malabares, equilibrios, danza, clown, teatro, ritmo e creación de xoguetes malabares sempre adaptadas ao nivel e momento de cada participante, ocuparán as mañás dos luns, mércores e venres do Festival C para que a cativada poida descubrir e aventurarse no mundo do Novo Circo. Todas as actividades desenvólvense a través de xogos que fomentan o traballo en equipo e o respecto entre as e os participantes. Recoméndase que traian unha botella de auga e, no caso, algo de almorzo na súa bolsiña. 

A participación é de balde previa inscrición en circonoveoficina@gmail.com. Na solicitude débese indicar o nome completo e idade da/o participante e datos e teléfono da persoa adulta ao cargo. Cada grupo está limitado a 25 participantes e as prazas iranse cubrindo por orde de inscrición.

(Foto: Manuel G. Vicente)

Velaquí o calendario de sesións segundo grupos de idade

• Xeral, para a rapazada de entre 3 e 14 anos de idade:
  • Luns 3, 17, 24  e 31 de agosto. De 11.30 a 13.30 horas
  • Venres 7, 21 e 28 de agosto. De 11.30 a 13.30 horas
• Específicos para o público máis miúdo, de entre 3 e 6 anos de idade:
  • Mércores 5, 19  e 26 de agosto. De 11.30 a 13.00 horas