FESTIVAL C (toda a programación aquí)
CEMITERIO DE BONAVAL
‘EXTRAVÍOS’
VACABURRA E UKESTRA DO MEDIO
DANZA
35 min
Todos os públicos
Extravíos é a nova proposta de VACAburra para espazos non convencionais. Unha peza de danza acompañada por unha ukestra de ukeleles en directo, garabato musical para 7 intérpretes. Unha creación en forma de viaxe sonora danzada, un itinerario extraviado polo corpo e pola música, un encontro singular de dous colectivos de creación que atopan un terreo de xogo común.
Andrea Quintana conta cunha sólida traxectoria no mundo da danza con especial atención á creación en espazos non convencionais e site specifics, para festivais como En Pé de Pedra, MOV-S, Cádiz en Danza, Costa Contemporánea ou Dies de Dansa. Destaca dentro dos seus intereses artísticos a colaboración con outras disciplinas atendendo a unha mirada especial en como a arquitectura e os espazos afectan aos corpos.
A Ukestra do Medio, é unha banda de ukeleles que destaca pola súa orixinalidade e frescura. Combo ecléctico que leva anos experimentando cos máis diversos estilos musicais que van dende composicións tradicionais galegas ou portuguesas aos clásicos do rock’n’roll e creacións propias.
Interpretación escénica: Andrea Quintana
Interpretación musical: Ukestra do medio
Alberte Leis: Baixo acústico e voces
Kátia Mera: Uke soprano, uke de concerto e voces
Yolanda Porto: Caixón, percusión e voces
César Parcero: Uke barítono, uke tenor, mandolina e voces