CURTOCIRCUÍTO 2022
EXPLORA 3
Obras de calquera xénero e de calquera nacionalidade. Sección centrada na procura de novas caligrafías fílmicas. Pezas dificilmente catalogables nun xénero que dilúen a idea tradicional do cinema mediante a exploración de sendas innovadoras, próximas á videoarte, o documental ou o cinema de vangarda.
Test de cámara
Siegfried A. Fruhauf | 2021 | 04:13 | Austria | EXP | COR
En teoría isto ía ser só unha recensión dun aparello cinematográfico, pero volveuse toda unha tormenta.
Outro tren
Peter Tscherkassky | 2021 | 20:00 | Austria | EXP | B&N
Outro tren é un paseo pantasma pola sala de máquinas da sétima arte, unha cerimonia da mecánica (violenta) dos vehículos ferroviarios e dos transportes de imaxes.
Abrímonos paso a través dun prisma brillante
Rhea Storr | 2022 | 17:36 | Reino Unido | DOC, EXP | B&N
Tres irmás percorren espazos públicos e políticos —unha praza, unha ponte, un xardín e un outeiro— nesta exploración da diáspora africana. Tomando como punto de partida os percorridos baleiros de entroidos e desfiles en Londres (Reino Unido) e Nassau (Bahamas), a película reflexiona sobre o progreso, as historias arquitectónicas do colonialismo e o corpo feminino no espazo público. O vidro, o espello e a pedra plásmanse nunha película de Super-8 que emprega a textura e a superficie para explorar estes catro espazos.
Hevn
P. Staff | 2022 | 05:00 | Reino Unido | EXP | COR
Combinando técnicas cinematográficas dixitais e analóxicas con poesía, animación pintada a man e son industrial, Hevn explora o pracer e a dor no corpo enfermo ou debilitado co interese constante de Staff pola volatilidade dos corpos queer e trans. As imaxes (unha escena de ducha, o tráfico, unha reunión de amigos) escurécense e revélanse mediante capas de película pintada a man e letras, dando paso finalmente a un poema titular que se pregunta que nos ocorre nos estados de soño, volatilidade, embriaguez e esgotamento.
Non é un mundo marabilloso?
Joseph Wilson | 2022 | 13:00 | Reino Unido | EXP | COR
Esta é unha película que, a través da sincronización dos beizos, describe as historias traumáticas dos intérpretes queer Soroya, Harry e Kenya, e a súa viaxe emocional cara a idade adulta. A película explora temas como a soidade, a ansiedade, o trauma e a recuperación, todos eles problemas comúns na comunidade LGBT+.
