MUSEO MIGRANTE MIGRANTE · EN MOVEMENTO
ARTES VISUAIS
A fotógrafa e artista Angélica Dass trae a Compostela un novo proxecto: o Museo Migrante Migrante (MMM), a través da súa versión en Movemento, para convidar á cidadanía a participar no proxecto a través de distintas sesións fotográficas coas que Angélica Dass busca xerar imaxes e recompilar relatos que nutrirán o arquivo dixital común.
Entre o 14 e o 18 de abril, a artista montará o seu estudo fotográfico na Zona C, para que a veciñanza achegue o seu obxecto e testemuño co gallo de falar dos movementos. Deste encontro sairán os retratos de migración que irán enchendo, aos poucos o Museo.
Para formar parte do proxecto cómre inscribirse na seguinte ligazón:
https://museomigrantemigrante-santiago-de-compostela.youcanbook.me/
Angélica Dass
Fotógrafa hispanobrasileira que combina a fotografía coa investigación sociolóxica e a defensa global dos dereitos humanos. O seu proxecto máis coñecido é Humanae, unha colección de retratos que amosan a diversidade dos seres humanos que se expuxo en todo o mundo.
Os seus proxectos van alén dos museos, e viaxan ata as aulas onde atopa un gran universo onde traballar, ademais de colaborar con institucións que abranguen desde concellos, institutos á UNESCO
Imaxe de cabeceira: Angélica Dass nunha sesión fotográfica © Marian Leon
