ESTREA DE 'CÓDICE-K'

DATOS BÁSICOS

AINÉ PRODUCCIONES

Estrea absoluta

Idade recomendada: > 12 anos

Duración: 80 min

Lingua: galego

#posfunción: 24 de marzo ao remate da función

[DENTRO DA REDE GALEGA DE TEATROS E AUDITORIOS. AGADIC. XUNTA DE GALICIA]

Un día de verán, entre o 30 de xuño e o 5 de xullo de 2011, o Códice Calixtino é roubado do seu lugar de exhibición no museo da Catedral de Santiago. A partir deste momento, e ata aproximadamente un ano despois que foi recuperado, a peripecia puido ser seguida polas puntuais informacións que ían aparecendo nos diferentes medios de comunicación. Finalmente puidemos saber que Manuel Castiñeiras, electricista e xefe de mantemento da catedral, fora o autor do roubo. E punto. Ata aquí a historia oficial.

O que nós imos contar é a intrahistoria extra oficial: por que Manolo decidiu cometer semellante delito, como foi a investigación, quen estaba ao tanto do roubo, como se puido ocultar durante un ano semellante botín... Amosaremos, en definitiva, todo o material resultante das exhaustivas pescudas levadas a cabo en estreita colaboración entre dous departamentos clave: o departamento de dramaturxia de investigación e o departamento do disparate. E no decurso da escrita e montaxe da obra, seguramente o departamento de investigación teña menos relevancia ca o departamento do disparate. Significando isto que, aínda que todo sexa pura especulación, posiblemente nos achegaremos moito á realidade.

Porque a historia do roubo, busca e aparición do Códice Calixtino foi, sobre todo, un puro disparate.

Ficha artística

Dirección: Tito Asorey co asesoramento artístico de Noemi Rodríguez

Texto: Manuel Cortés

Reparto: Lucía Veiga, Marita Martínez, Graciela Carlos e Patricia Castrillón

Música: Russ (en directo)

Duración: 
80 min
Entradas: 
  • compostelacultura.gal
  • Despacho de billetes da Zona C. Punto de Información Cultural. De martes a sábado, de 11 a 14 e de 16 a 19 h. Tel.: 981 542 462
  • Despacho de billetes do Teatro Principal. O día do espectáculo desde 1 h antes do comezo do mesmo. Tel.: 981 542 349
  • Descontos do 50% para persoas desempregadas, perceptoras de rendas sociais, xubiladas, maiores de 65 anos, estudantes, menores de 25 anos e membros de familias monoparentais ou numerosas.

PRÉGASE USO PREFERENTE DA WEB PARA A ADQUISICIÓN DE ENTRADAS

Funcións: 
Venres, 24 Marzo, 2023
20:30
Teatro Principal
Sábado, 25 Marzo, 2023
20:30
Teatro Principal