ELIMINATORIA
A Asociación de Amigos da Ópera de Santiago de Compostela pon en marcha unha nova edición, a cuarta, do concurso de canto "Compostela Lírica" que dotado pola Fundación José Otero-Carmela Martínez, ten como destinatarios/as a novos talentos do mundo da lírica. O seu obxectivo é fornecelos dunha proxección profesional na etapa inicial das súas carreiras e o cultivo e fomento da ópera propiciando a expasión e mellor coñecemento da mesma.
"Compostela Lírica" está dirixido a voces solistas de calquera tesitura vocal e reservado exclusivamente ao xénero Ópera, na modalidade de voz solista de calquera tesitura vocal
Para o desenvolvemento desta rolda presencial eliminatoria, o xurado elixirá con carácter previo unha das tres arias presentadas por cada un dos/as participantes. A elección será comunicada con antelación aos/ as participantes. A partir da audición das citadas arias elixidas polo xurado, este determinará que solistas pasarán á rolda final.
O Concurso conta co patrocinio e a colaboración da Secretaría Xeral de Cultura da Xunta de Galicia, da Deputación da Coruña, do Concello de Santiago de Compostela e do Consello da Cultura Galega.