CINEUROPA
SECCIÓN OFICIAL EUROPEA
DREAMS (SEX LOVE) / SOÑOS EN OSLO (2024)
Dag Johan Haugerud
Noruega / 110 min / Ficción / Noruegués
Ficha artística:
Ella Øverbye, Selome Emnetu, Ane Dahl Torp, Anne Marit Jacobsen
Ficha técnica:
Guión: Dag Johan Haugerud
Fotografía: Cecilie Semec
Edición: Jens Christian Fodstad
Produción: Hege Hauff Hvattum, Yngve Sæther
Sinopse:
Johanne é unha moza que se namora perdidamente da súa profesora de francés, vivindo o seu primeiro amor intenso. Na vontade de preservar os seus sentimentos, comeza a documentar por escrito as súas emocións e experiencias. Cando a súa nai e a súa avoa len o que escribiu, reaccionan con sorpresa ante o contido íntimo, pero axiña quedan cativadas pola calidade literaria dos textos. Mentres debaten sobre a moralidade e as posibles consecuencias de publicar os escritos de Johanne, ela enfróntase ao contraste entre os ideais románticos e a realidade, mergullándose nunha viaxe de autodescubrimento, amor e sexualidade.
Dag Johan Haugerud é un director, guionista e escritor noruegués recoñecido pola súa capacidade para abordar temas sociais e emocionais con profundidade e sensibilidade. A súa ópera prima, I belong, gañou varios Premios Amanda —os principais galardóns do cinema noruegués—, incluídos os de mellor filme, guión e dirección. En 2019 dirixiu Coidado cos nenos, tamén premiada e recoñecida internacionalmente. A súa triloxía Historias de Oslo, composta por Sexo, Soños e Amor, explora as complexidades das relacións humanas e da identidade afectiva, cun enfoque marcado pola empatía e a diversidade.
Oso de Ouro e os premios FIPRESCI e Guild na Berlinale 2025
