TEMPADA «MEMORIA»
REAL FILHARMONÍA DE GALICIA
Baldur Brönnimann, director
Coa participación do estudantado da EAEM
PROGRAMA
Magnus Lindberg: Arena (Estrea en España)
Manuel de Falla: El sombrero de tres picos, Suite núm. 1
Johannes Brahms: Sinfonía núm. 4 en Mi menor, Op. 98
Baixo a titoría do director artístico e titular Baldur Brönnimann, recoñecido pola súa implicación na formación de novas xeracións de directoras e directores —especialmente á fronte do Programa de Dirección Contemporánea da Academia de Lucerna—, a Real Filharmonía de Galicia reafirma o seu compromiso coa educación musical e o apoio aos novos talentos.
Nesta tempada, coincidindo coa pausa na convocatoria de director/a asistente, a RFG impulsa un curso internacional de dirección que atraerá candidaturas de todo o mundo. Oito participantes serán seleccionados para traballar coa orquestra e adquirir experiencia práctica nun concerto público.
O repertorio inclúe Arena de Magnus Lindberg, escrita orixinalmente para un concurso de dirección, xunto á Suite núm. 1 de El sombrero de tres picos de Falla e á Sinfonía núm. 4 de Brahms, tres obras de linguaxes e esixencias interpretativas moi distintas que permitirán ás persoas participantes desenvolver o seu propio perfil artístico.
Ás 19.15 h, Conversando con... Baldur Brönnimann na Sala Mozart
