CURTOCIRCUÍTO 2025 · COSMOS 1
Sección competitiva
Cosmos nace no 2023 para romper as barreiras entre xéneros e a procedencia das películas, poñendo a dialogar o cinema narrativo máis arriscado coas propostas de vangarda. A diversidade cultural e outros retos da nosa sociedade terán un espazo para a visibilización e a reflexión.
[Imaxe: Fotograma do film Immaculata, de Kim Lêa Sakkal]
O meu desexo por ti forma parte de min
(My Want of You Partakes of Me)
2024
Sasha Litvintseva & Beny Wagner
0:54:50
DOC
O meu desexo por ti forma parte de min cuestiona a dixestión como condición fundamental para existir no mundo, un proceso con dimensións fisiolóxicas, psicolóxicas, espirituais, literarias e políticas. Múltiples tramas trazan a poética da incorporación como unha cuestión de metamorfose e decadencia, a filosofía da materia e a conquista imperial, a industrialización e a aniquilación, a poesía e a paternidade, o amor e a cita.
Immaculata
(Immaculata)
2024
Kim Lêa Sakkal
0:22:00
FIC
Derya está embarazada, pero non tivo relacións sexuais. Ao profundarmos na súa vida, como empregada doméstica en pleno verán seco, comezan a xurdir signos do sobrenatural e o divino, o que nos leva a cuestionar a verdadeira orixe do seu misterioso embarazo.
