CURTOCIRCUÍTO_LOS CONDUCTOS

DATOS BÁSICOS

CURTOCIRCUÍTO 2020
Longas x Curto

Nesta edición Curtocircuíto programa as primeiras ou segundas longametraxes de cineastas que levan moitos anos medrando ao noso lado. Hai xa dez anos que Curtocircuíto exhibiu por primeira vez un traballo de Lois Patiño, do mesmo xeito que o festival fixo a primeira retrospectiva de Jessica Sarah Rinland hai xa tres edicións, que ademais viña de participar na Sección Oficial un ano antes, onde resultou gañadora. Igualmente, Curtocircuíto exhibiu con moito éxito as primeiras curtametraxes do colombiano Camilo Restrepo, que estará en Santiago por terceira vez. No caso de Oskar Alegria, se ben os seus traballos anteriores non formaron parte das nosas programacións, como director do Festival Punto de Vista mantivo unha estreita colaboración con Curtocircuíto. Todos eles son hoxe cineastas de sobra recoñecidos no circuito internacional.

Os conductos
Camilo Restrepo | 2020 | 1:10:00 | Francia, Colombia, Brasil | FIC | COR
Medellín, Colombia. Pinky está fuxindo. Acaba de liberarse dunha secta relixiosa. Atopou un sitio onde durmir e un traballo nunha fábrica de camisetas. Perdido pola súa propia fe, Pinky cuestiónase todo. Cando intenta pegar os cachos da súa rota vida, violentos recordos afloran á súa memoria, pedíndolle vinganza.

Duración: 
70 MIN
Información da billeteira: 

Despacho de billetes do Teatro Principal. Entradas dispoñibles para todos os eventos do Festival desde o 29 de setembro, de martes a sábado (+ días de evento) entre as 18:00 e as 21:00h. Semana do Festival de 16:30h  ata o comezo da última sesión. Teléfono: 981 542 349

NUMAX: só se poderán adquirir entradas para as proxeccións realizadas nesta sala. Entradas dispoñibles desde o 29 de setembro. Teléfono: 981 560 250

Funcións: 
Sábado, 3 Outubro, 2020
17:30
Teatro Principal

UBICACIÓN

Compostela Capital Cultural