LOS SARA FONTAN E TAMARA DE LA FUENTE
Consuelo no aparcadoiro: un concerto iluminado con coches Live AV
Aparcar no descampado, abrir o maleteiro e poñer a música a todo volume.
O parkineo é un encontro alleo a leis, horarios, patrocinadores, escenarios ou pulseiras con QR, e quizais por iso é perseguido e ridiculizado.
Ao mesmo tempo, a música experimental adoita caricaturizarse como algo endogámico, críptico e incapaz de xerar comunidade.
Co desexo de cuestionar estas miradas, o dúo Los Sara Fontan e a artista Tamara de la Fuente propoñen, en primicia para Curtocircuíto, un diálogo entre ambos mundos.
Luces halóxenas para unha rave electroacústica. Embrague queimado con ritmos impares. Pintura metalizada e violín con distorsión.
AVISO: Esta sesión emprega imaxes ou luces estroboscópicas que poden afectar a persoas fotosensibles
