FOCO MARIE LOSIER 2
Este foco celebra a prodixiosa capacidade de Marie Losier para pulular entre os talentos máis disruptivos do underground neoiorquino e europeo, transformando a admiración artística nunha íntima relación familiar. Lonxe da reportaxe haxiográfica, Losier accede ao sanctasanctórum de creadores seminais e referenciais para retratalos desde o cálido delirio da complicidade cotiá.
Bim Bam Boom Las Luchas Morenas
(Bim Bam Boom As Loitas Morenas)
2014
MARIE LOSIER
0:13:00
DOC
Tres mulleres, tres irmás, tres loitadoras profesionais, membros da Dinastía Moreno: Rossy, Esther e Cynthia son competidoras no cuadrilátero. Mais tamén dan vida á loita libre, loitando con coitelos, cabezas de porco, flores e plumas! Bim, Bam, Boom!
Felix in Wonderland
(Felix no País das Marabillas)
2019
MARIE LOSIER
0:47:00
DOC
Adéntrate no mundo da experimentación e da creación musical de Felix Kubin e no seu dominio do instrumento da súa predilección, o KORG MS20. Un retrato dun gran artista que nunca deixa de vivir coa música na cabeza. Coa forza creativa e a inesgotable inspiración de Felix, a película mergúllate no universo da Música pura: desde a música electrónica ata a radiofonía, o pop, a música concreta, a ópera e os experimentos co micrófono... Felix é o pequeno Nemo dun novo mundo sen sono feito de música e alegría pura!
Alan Vega, Just a Million Dreams
(Alan Vega, Só un millón de soños)
2014
MARIE LOSIER
0:16:00
DOC
Este retrato íntimo amosa a alma conmovedora e rebelde do innovador artista visual e pioneiro do rock electrónico minimalista Alan Vega, vocalista e compositor do dúo punk/post-punk Suicide durante as décadas de 1970 e 1980. Alan xoga coa cámara mentres ama, loita e vive xunto á súa familia: Liz Lamere, a súa esposa e colaboradora, e o seu fillo pródigo Dante, unha nova réplica de Alan. Con toques de alegría, excentricidade e inspiración, o rock and roll de Alan Vega segue máis vivo ca nunca, divertido e rebelde.
