CURTOCIRCUÍTO 2025 · LIVE AV CARME LÓPEZ E IRENE SÁENZ
Carme López
Quintela é o disco debut de Carme López e o primeiro traballo de música experimental para gaita galega, influenciado por compositoras como Éliane Radigue, Pauline Oliveros ou Kali Malone. Neste álbum a gaita móvese por un campo totalmente descoñecido, desvencellada do seu nexo coa música tradicional para descontextualizala e crear así un enfoque persoal marcado pola perspectiva de xénero (abandonando a asociación de prestixio entre o instrumento e o xénero masculino).
A música de Quintela leva o instrumento a un campo descoñecido, descontextualizándoo para elaborar un discurso propio e persoal, onde tamén queda atrás a tradicional vinculación masculina da gaita (relacionado co prestixio público e as connotacións sexuais do instrumento). O elemento compositivo fundamental baséase en ideas sonoras, timbres e cualidades propias do instrumento que viaxan, na suma de elementos acústicos e electrónicos, para a creación de músicas centradas na improvisación constante.
Quintela é o nome da casa onde medrou Carme López e o seu discurso céntrase na infancia, en persoas, lugares e emocións.
Irene Sáenz
Irene Sáenz é unha artista visual e realizadora cuxa obra explora a dimensión táctil das imaxes, que crea e anima mediante procesos manuais e artesanais. O seu traballo céntrase en resignificar o concepto de imperfección, non só validándoo, senón revelando nel unha forma singular de beleza. Nesta colaboración coa artista Carme Lopez crea visuais a partir de capas de texturas bañadas nas luces líquidas proxectadas que se mesturarán co fluxo de sonido nunha sorte de azar simbiótico.
